Hramadstva11

«Heta byŭ sapraŭdny treš. Jany ŭryvalisia ŭ pakoi, patrabavali ŭ nas telefony, pierakulvali ŭsio ŭvierch dnom»

Arciom (imia źmienienaje) byŭ adnym z tych, kaho abšukvali 1 śniežnia ŭ internacie Bresckaha dziaržuniviersiteta imia Puškina. Chłopiec raspavioŭ BG media, jak heta adbyvałasia i čamu, na jahonuju dumku, siłaviki pryjšli ŭ «internat» i ŭ hałoŭny korpus BrDU.

BG Media

— Jany vidavočna šukali kampramat. Siarod studentaŭ jość mierkavańnie, što «pasuć» navat niekalkich vykładčykaŭ — nie anhažavanych, jakija vydzialajucca bolš svabodnymi pohladami, choć takich va ŭniviery zastałosia zusim niašmat. Uvohule, jany (supracoŭniki KDB i HUBAZiK) zajavilisia spačatku ŭ hałoŭny korpus, tam, nakolki ja viedaju, zatrymali niekalki čałaviek ź fizmata, a potym, užo bližej da viečara, nalacieli ŭ internat.

I heta byŭ sapraŭdny treš. Jany ŭryvalisia ŭ pakoi, patrabavali ŭ nas telefony, pierakulvali ŭsio ŭvierch dnom.

U mianie ničoha kramolnaha nie znajšli, choć siakaja-takaja pierapiska ŭ telefonie była, ale ja zvyčajna vydalaju lišniaje i, naohuł, starajusia maksimalna abaraniać svaje akaŭnty.

A čaćviarych chłopcaŭ zabrali ŭ IČU, jany dahetul, nakolki ja viedaju, tam znachodziacca. Im, pa apoviedach svajakoŭ, šyjuć «ekstremizm».

Pa słovach Arcioma, niekatoryja studenty VNU kamunikavali pamiž saboj u čacie, jaki byŭ stvorany jak alternatyva aficyjnym kanałam univiersiteta. Siarod inšaha abmiarkoŭvali vajnu va Ukrainie, što jana niezakonnaja, niespraviadlivaja, a Pucina i Rasiju nazyvali ahresarami.

Chtości, vidać, vydaŭ abo vyličyŭ aktyvistaŭ čata, adsiul — uvieś hety chapun, jaki zładzili hebešniki.

— Nakolki mnie viadoma, tam byli i chłopcy, i dziaŭčaty. My ŭ hrupach, tym bolš na zaniatkach, starajemsia pra palityku nie havaryć. Bo daloka nie ŭsie studenty, tym bolš vykładčyki, hatovyja padtrymlivać hetuju dyskusiju, a niekatoryja, naadvarot, na baku Pucina i Łukašenki. Tamu, kab nikoha i ničoha nie pravakavać, studenty z vyraznaj hramadzianskaj pazicyjaj abmiarkoŭvajuć heta ŭ čatach. Ale kali pieršapačatkova, dapuścim, hod tamu, takija čaty naličvali maksimum pa 15-20 čałaviek, to siońnia ŭ ich užo sotni, navat tysiačy ŭdzielnikaŭ. Z hetym, na moj pohlad, možna źviazvać cikavaść da nas z boku siłavikoŭ i ich lutuju aktyŭnaść.

Jak ličyć Arciom, nijakich fatahrafij z nacysckaj simvolikaj nichto nie vykładvaŭ. Jany źjavilisia ŭžo ŭ dzień chapuna. Vidać, aŭtaram hetaha «śpiektakla» treba było pakazać, što ŭ BrDU sfarmavałasia ledź nie nacysckaje łohava, a studenty «vielmi lubiać Hitlera».

— Pucin i jahonaja hop-kampanija ž taksama tłumačyli svajo ŭvarvańnie va Ukrainu pošukam nacystaŭ i nieabchodnaściu vieści ź imi nieprymirymuju baraćbu. Tak što tut usio zrazumieła i znajoma. Absalutna jasna, čyj počyrk, — z horkaj ironijaj kaža surazmoŭca.

Jon taksama nie vyklučaje, što praź niejki čas, chutčej navat praź niekalki dzion, my ŭbačym čarhovuju porcyju videa, jakoje prapahandysty z KDB zapišuć (albo ŭžo zapisali) z zatrymanymi studentami.

Kamientary1

  • Obyknoviennyj fašizm
    07.12.2023
    Fašizm odinakov vsiudu.

Ciapier čytajuć

Polšča pryznała Alaksandra Mašenskaha niepažadanaj asobaj34

Polšča pryznała Alaksandra Mašenskaha niepažadanaj asobaj

Usie naviny →
Usie naviny

Što nasamreč znachodzicca pobač z kurskim plažam, na jakim ad ukrainskich dronaŭ paciarpieli ludzi4

Biełarusy va Urocłavie platuć maskirovačnyja sietki dla Ukrainy1

Na vajnie va Ukrainie zahinuŭ rasijski aktyvist, jaki byŭ suprać vajny i zaklikaŭ nie iści na jaje4

Frydman: Čamu amierykancy raptam pavinny pastavić svajoj metaj vyzvaleńnie palitźniavolenych u Biełarusi i jašče bolš — abmianiać ich na sankcyi?7

Karova ciažka traŭmavała dziaŭčynku ŭ Biarozaŭskim rajonie1

Na čaćvier znoŭ abvieščany aranžavy ŭzrovień, i jość tryvožny zvanočak2

«Hrošy nikudy nie padzielisia, ich nichto nie skraŭ». U Bankaŭskim pracesinhavym centry prakamientavali situacyju sa śpisańniem srodkaŭ1

«Jak u 1937-m». Śmierć rasijskaha ministra — papiaredžańnie dla palityčnaj elity2

«Upeŭnieny Senior z 4000 i kvateraj». Jak moładź płanuje žyćcio da 2030+2

bolš čytanych navin
bolš łajkanych navin

Polšča pryznała Alaksandra Mašenskaha niepažadanaj asobaj34

Polšča pryznała Alaksandra Mašenskaha niepažadanaj asobaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić