Hramadstva3131

Skandał vakoł maci Valeryja Kavaleŭskaha. Chto zapuściŭ infarmacyjnuju kampaniju i ŭ čym sutnaść abvinavačańniaŭ?

Samaja mahutnaja infarmacyjnaja kampanija pačatku 2024 hoda ŭ apazicyjnych kołach — ataka na namieśnika staršyni Abjadnanaha pierachodnaha kabinieta Valera Kavaleŭskaha. Apanienty sprabujuć vystavić jaho «ahientam» i tarpiedavać reputacyju dypłamata praz asobu jaho maci.

Adkul pačałasia ataka? Adtul ža, adkul išła i papiaredniaja, suprać suzasnavalnika inicyjatyvy By_help Alaksieja Lavončyka.

Heta supolnaść z telehram-kanała «Abjadnany štab supracivu» (na mierkavańnie «Bajpoła», za AŠS staić Andrej Abozaŭ, jaki ciapier žyvie ŭ Estonii), palitołaha Dźmitryja Bałkunca, pretendenta ŭ prezidenty-2020 Valeryja Capkały. Bałkuniec za tydzień napisaŭ u svaim kanale 15 (!) dopisaŭ, pryśviečanych Valeryju Kavaleŭskamu.

U papiaredniaj situacyi supolnaść apielavała da ajčyma žonki Lavončyka — bo toj pracavaŭ u Radzie biaśpieki. A Lavončyk u adkaz davodziŭ, što nie padtrymlivaje adnosiny ź cieściem užo amal 10 hadoŭ. Na hetym abmierkavańnie skončyłasia, i ŭvaha pieraklučyłasia na nastupnuju temu.

Ciapier havorka pajšła pra maci Valeryja Kavaleŭskaha. Ludmiła Kavaleŭskaja doŭhi čas žyła ŭ Rasii, atrymała rasijskaje hramadzianstva i navat ustupiła ŭ «Adzinuju Rasiju». Aproč taho, žančyna źjaŭlałasia pradstaŭnikom handlovaj karparacyi Udmurckaj Respubliki ŭ Biełarusi. Zahučali abvinavačvańni pra čarhovy «rasijski» śled u demakratyčnych siłach Biełarusi.

Ludmiła Kavaleŭskaja Lyudmila Kovalevskaya Ludmiła Kovalevskaja
Ludmiła Kavaleŭskaja (druhaja sprava) na sustrečy ź biełaruskimi čynoŭnikami. Fota: @ostorojnovirusSvobody / Telegram

Kavaleŭski admoviŭsia kamientavać situacyju «Našaj Nivie», ale daŭ niekalki intervju inšym ŚMI. 

U efiry «Jeŭraradyjo» Kavaleŭski raspavioŭ, što jaho maci, jakaja naradziłasia na Paleśsi, pa ŭłasnaj inicyjatyvie pajechała pracavać u Rasiju, dzie byli dobryja mahčymaści dla jaje prafiesijnaj realizacyi.

Doŭhi čas Ludmiła Kavaleŭskaja pražyła ŭ Ižeŭsku (Udmurcija). Tam jana zajmałasia hramadskaj dziejnaściu, brała ŭdzieł u pracy biełaruskaj dyjaspary. U 2017 hodzie jak kandydat ad «Adzinaj Rasii» Ludmiła ŭdzielničała ŭ vybarach, ale nie pieramahła. Dla taho, kab udzielničać u vybarach, jana admoviłasia ad biełaruskaha hramadzianstva.

Pa słovach Valeryja, jaho maci z 2020 hoda žyvie ŭ Biełarusi. Jana adnaviła biełaruskaje hramadzianstva i dobraachvotna vyjšła z rasijskaha. Tamu, maŭlaŭ, žančyna zaraz nie moža być siabram nijakaj palityčnaj partyi ŭ Rasii.

Va Udmurcii Ludmiła Kavaleŭskaja pracavała na «Handlovy dom «Biełaruś». Ale, jak adznačaje Valeryj, heta była pryvatnaja, a nie dziaržaŭnaja struktura. Tamu nielha havaryć, što heta byŭ niejki dziaržaŭny orhan prasoŭvańnia biełaruskaj pradukcyi.

Ludmiła Kavaleŭskaja Lyudmila Kovalevskaya Ludmiła Kovalevskaja
Ludmiła Kavaleŭskaja. Fota: @ostorojnovirusSvobody / Telegram

Ciapier Ludmiła Kavaleŭskaja zjaŭlajecca pradstaŭnikom udmurckaj handlovaj karparacyi ŭ Biełarusi — «svabodnym ahientam» pa prasoŭvańni pradukcyi, što vyrablajecca va Udmurcii, na biełaruski rynak.

Jak raspavioŭ Valeryj Kavaleŭski, maci z pavahaj pastaviłasia da jaho rašeńnia dałučycca da kamandy Śviatłany Cichanoŭskaj. Ale heta stvaryła dla jaje peŭnyja ryzyki.

U intervju «Radyjo Ŭnet» Kavaleŭski dadaŭ, što śpiecsłužby nieadnarazova vyklikali maci na razmovy, a vosieńniu minułaha hoda ŭ jaje kvatery byŭ praviedzieny pieratrus. Zredku Ludmiła byvaje za miažoju, dzie sustrakajecca z synam i ŭnukam.

U telehram-kanale OSINT «Fieniks», jaki pazicyjanuje siabie jak «prajekt uskryćcia prarasijskaj ahuntury ŭ šerahach apazicyi» adreahavali na tłumačeńni Valeryja Kavaleŭskaha adnosna adsutnaści ŭ jaho maci rasijskaha hramadzianstva. Jany pierakonvajuć, što rasijski pašpart Ludmiły Kavaleŭskaj nie značycca siarod niesapraŭdnych, tamu jana praciahvaje być hramadzianskaj Rasii.

Čytajcie jašče:

«Kali palityka pytajuć, ahient ty ci nie ahient, ja nie viedaju, što jon musić adkazvać». Siarhiej Vaźniak patłumačyŭ, dla čaho im z Kalakinym partyja

Byłaja redaktarka Čornaj knihi Biełarusi vystupiła sa skandalnymi zajavami — i pačalisia razborki na ŭvieś internet

«Bajpoł» vykłaŭ svaju viersiju raskołu arhanizacyi: śpiecsłužby, «štab supracivu», Bałkuniec i Capkała

Jak vyznačyć ahienta ŭ svaim atačeńni

Kamientary31

  • Ihar
    10.01.2024
    Hety kandzibobier stopracenty supracoŭnik.
  • Dzied Tałaš
    10.01.2024
    Pytańni da maci Kavaleŭskaha jość. Jak i da jaho. Ale kali ich uzdymajuć zaškvaranyja supracoŭnictvam z maskavitami istoty nakštałt bałkunca, jaki šanuje hiej-orhijeŭskija stužki zrazumieła navošta jany heta robiać.

    My sami pamiž sumlennymi biełarusami niejak raźbiaremsia biez maskavickaj pacučaj chieŭry: bałkuncy, capkały, suzdalcavy, karačy..
  • Palitołah
    10.01.2024
    Mahda skazaŭ, što nie vieryć Kavaleŭskaha, tamu i ja taksama nie vieru!

Ciapier čytajuć

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Usie naviny →
Usie naviny

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

Pucin asudziŭ parušeńnie Izrailem Statuta AAN i normaŭ mižnarodnaha prava11

Za miesiac popyt na lalek Łabubu vyras na «Kufry» ŭ 6,5 raza7

Pad Saladaram adzin rasijski samalot źbiŭ inšy?4

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

bolš čytanych navin
bolš łajkanych navin

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić