Hałoŭnaha inžyniera «Miłkavity» buduć sudzić za «finansavańnie ekstremisckaj dziejnaści»
25 studzienia ŭ Homielskim abłasnym sudzie pačniecca praces nad 46-hadovym Alaksandram Struhalskim, jaki da zatrymańnia pracavaŭ hałoŭnym inžynieram homielskaha AAT «Miłkavita». Jaho abvinavacili ŭ «finansavańni ekstremisckaj dziejnaści», piša «Homielskaja viasna».
Alaksandr Struhalski byŭ zatrymany ŭ kastryčniku 2022 hoda. Zatrymańnie ažyćciaŭlała Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj MUS. U praŭładnych telehram-kanałach pisałasia, što jon «sprabavaŭ sarvać praviadzieńnie respublikanskaha refierenduma» i dasyłaŭ hrošy ŭ fond dapamohi palityčnym źniavolenym BySol.
Kryminalnaja sprava suprać Struhalskaha viadziecca pa artykule 361-2 Kryminalnaha kodeksa — finansavańnie dziejnaści ekstremisckaha farmiravańnia (u farmuloŭcy da 26.05.2021). Sudovaje pasiadžeńnie pačniecca 25 studzienia ŭ 14 hadzin 30 chvilin, spravu budzie razhladać sudździa Siarhiej Bahinski.
AAT «Miłkavita» — najbujniejšaje ŭ Homielskaj vobłaści pradpryjemstva małočnaj vytvorčaści. Struhalski pracavaŭ hałoŭnym inžynieram z červienia 2019 hoda.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ16
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary