U internacie pa vulicy Akademika Krasina, 49 u Minsku adbyłosia ŭzharańnie. Na miescy zdareńnia pracavali ratavalniki.
Pavodle infarmacyi MNS, paśla prybyćcia ratavalnikaŭ da miesca vykliku naziraŭsia dym z akna na čaćviortym paviersie.
«U žyłym pakoi adbyvałasia adkrytaje hareńnie majomaści, a z susiedniaha z padpalenym pakoja žančyna prasiła pra dapamohu», — raskazali ŭ viedamstvie.
«Rabotniki MNS pranikli ŭ niebiaśpiečnuju zonu i pry dapamozie maski dla vyratavańnia vyvieli žančynu 1984 h. n. na śviežaje pavietra. Jaje pieradali bryhadzie chutkaj miedycynskaj dapamohi dla ahladu. Paśla vyśvietliłasia, što jana nie paciarpieła», — adznačyli ŭ MNS.
U vyniku zdareńnia zhareła majomaść u dvuch žyłych pakojach, kuchni i kalidory na ahulnaj płoščy 30 kv. m. Dziakujučy spracoŭvańniu sistemy apaviaščeńnia ab pažary da prybyćcia padraździaleńniaŭ MNS z pałajučaha padjezda 25 čałaviek samastojna evakujavalisia. Jašče 45 čałaviek evakujavalisia z susiednich padjezdaŭ.
Pryčyny i abstaviny zdareńnia vyśviatlajucca.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary