Brata pamierłaha ŭ kałonii Alaksieja Navalnaha «pieraabviaścili» ŭ vyšuk u suviazi z zaviadzieńniem u dačynieńni da jaho novaj kryminalnaj spravy.
TASS spasyłajecca na vyšukovuju bazu MUS, a taksama na krynicu ŭ pravaachoŭnych orhanach, jakaja zajaviła, što suprać Aleha Navalnaha zaviedziena novaja kryminalnaja sprava.
Surazmoŭca dziaržaŭnaha ahienctva nie zmoh udakładnić, pa jakim mienavita artykule zaviali spravu (a ŭ bazie hetaja infarmacyja nikoli nie paznačajecca).
Aleh Navalny, jaki adbyvaŭ termin pa spravie «Iŭ Raše», u žniŭni 2021 hoda atrymaŭ umoŭny prysud pa «sanitarnaj spravie», zaviedzienaj paśla akcyi pratestu ŭ padtrymku Alaksieja Navalnaha.
U studzieni 2022 hoda Aleha Navalnaha abjavili ŭ vyšuk, a ŭ lutym — jašče da pačatku rasijskaha ŭvarvańnia va Ukrainu — stała viadoma, što jon zmoh pakinuć Rasiju, pryčym zrabiŭ heta jašče ŭ vieraśni 2021 hoda, heta značyć paśla atrymańnia ŭmoŭnaha terminu, piša Bi-bi-si.
Kamientary