Namieśnik Śviatłany Cichanoŭskaj, pradstaŭnik pa zamiežnych spravach Abjadnanaha kabinieta sustreŭsia z asobnymi čalcami Rady biaśpieki AAN, z pasłami i ekśpiertami niekatorych misij pry AAN, u tym liku rehijanalnych hrup Azii, Afryki i Łacinskaj Amieryki, a taksama z kiraŭnictvam MZS šerahu krain.
Akramia ŭdziełu ŭ indyvidualnych sustrečach, Valer Kavaleŭski:
- pravioŭ bryfinh dla čalcoŭ Jeŭrasajuza pa situacyi ŭ Biełarusi i źniešniepalityčnych pryjarytetach demruchu;
- prysutničaŭ na dyskusii ministerskaha ŭzroŭniu pa prablemie niezakonnaha pieramiaščeńnia ŭkrainskich dziaciej u Biełaruś i Rasiju;
- naviedaŭ debaty Hienasamblei AAN i śpiecsustreču Rady Biaśpieki AAN pa situacyi va Ukrainie.
Padčas vizitu pradstaŭnik pa zamiežnych spravach Kabinieta:
prainfarmavaŭ zamiežnych partnioraŭ pra pahrozu niezaležnaści Biełarusi z boku Rasii, parušeńni pravoŭ čałavieka i situacyju z palitźniavolenymi ŭ Biełarusi i abmiarkoŭvaŭ šlachi reahavańnia na heta, u tym liku praz vykarystańnie miechanizmaŭ AAN;
pašyraŭ suviazi z delehacyjami krain Hłabalnaha Poŭdnia i abmiarkoŭvaŭ padrychtoŭku mierapryjemstvaŭ pa Biełarusi ŭ ramkach AAN, u tym liku padčas tydnia vysokaha ŭzroŭniu siesii Hienieralnaj asamblei AAN u vieraśni 2024 hoda.
«Biełaruś pieražyvaje padvojny kryzis: unutrany palityčna-humanitarny i źniešni — źviazany ź imklivym rostam pahrozy niezaležnaści z boku Rasii. Abjadnany pierachodny kabiniet Biełarusi aktyŭna šukaje varyjanty jaho vyrašeńnia. AAN — składanaje, ale absalutna nieabchodnaje miesca dla takoj pracy. Dziakujučy padtrymcy siabroŭ demakratyčnaj Biełarusi ŭ nas atrymlivajecca zachoŭvać uvahu da biełaruskaj prablematyki i supolna šukać šlachi pa dasiahnieńni našych met», — skazaŭ Valer Kavaleŭski.
«Zianon Paźniak — toj čałaviek, ź jakim pajšoŭ by na piva». Valer Kavaleŭski raskazaŭ u intervju pra palityčnaje i čałaviečaje
Kavaleŭski raskazaŭ, što ciapier robicca z «pašpartam novaj Biełarusi»
Skandał vakoł maci Valeryja Kavaleŭskaha. Chto zapuściŭ infarmacyjnuju kampaniju i ŭ čym sutnaść abvinavačańniaŭ?
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy7
Kamientary