Chłopca z Kalinkavičaŭ sudziać za zdradu dziaržavie i za porna z niepaŭnahadovaj
Sud nad chłopcam idzie ŭžo try tydni, ale ŭ čym sutnaść spravy — nieviadoma.
Padsudnaha kličuć Jahor Kraŭčenia. Jamu 28 hadoŭ, jon rodam z Kalinkavičaŭ. Viadoma, što jon vučyŭsia ŭ palitechničnym kaledžy, imavierna, u Homieli. Paśla pracavaŭ rabočym na roznych pradpryjemstvach. Apošnim miescam pracy mužčyny ŭ bazach «Kibierpartyzanaŭ» paznačanaja Biełaruskaja čyhunka.
Jahor cikaviŭsia muzykaj i dydžeiŭ na miascovych mierapryjemstvach u Kalinkavičach.
Ale było ŭ jaho i padazronaje zachapleńnie. Miarkujučy pa čatach u telehramie, jon ustupaŭ u «blizkija» pierapiski, u tym liku z maładymi dziaŭčatami. Taksama ŭ čatach jon prasiŭ ich «skidvać videa z saboj».
Zatrymali chłopca ŭ žniŭni 2023-ha. Nieviadoma, čamu im zacikavilisia siłaviki. Ci to aryštavali za «zdradu dziaržavie», a paśla znajšli ŭ telefonie haračyja pierapiski, ci to naadvarot — spačatku było padazreńnie ŭ raspaŭsiudzie porna, a paśla dadałasia i «zdrada».
Telehram-akaŭnt Kraŭčeni nieabaronieny. Praz boty, jakimi karystajucca siłaviki, lohka adšukać, kamu jon naležyć.
Ciapier chłopca sudziać adrazu pa niekalkich artykułach. Aproč «zdrady dziaržavie», heta dva artykuły za vyrab ci raspaŭsiud porna (adzin — z udziełam darosłaha, druhi — z udziełam niepaŭnahadovaha hramadzianina).
Za «zdradu dziaržavie» Kraŭčeniu pahražaje da piatnaccaci hadoŭ źniavoleńnia.
«Naša Niva» — bastyjon biełaruščyny
PADTRYMAĆ
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary
NN nie stoiło voobŝie na etom zaostriať vnimanije. Kak budto vy nie ponimajetie sami cienu vsiech etich obvinienij... Nie nado brosať tień na jeŝio odnoho biełaruskoho hieroja, kotoryj vidimo pieriedavał niekuju informaciju ob okkupantach