Źjaviŭsia ŭkaz ab pieravodzie dziaržorhanaŭ na pracu ŭ vajenny čas
Łukašenka padpisaŭ ukaz «Ab pieravodzie dziaržaŭnych orhanaŭ i inšych arhanizacyj na pracu va ŭmovach vajennaha času», paviedamiła pres-słužba palityka.
Dakumient udaskanalvaje paradak pierachodu raboty arhanizacyj ź mirnaha na vajenny čas. Taksama rehłamientujucca pytańni efiektyŭnaha ŭzajemadziejańnia struktur pry ŭźniknieńni pahroz nacyjanalnaj biaśpieki z ulikam źmianieńnia vajenna-palityčnych umoŭ.
U novy ŭkaz uklučyli šerah dziaržorhanaŭ. Tudy trapili Usiebiełaruski narodny schod, Pałata pradstaŭnikoŭ i Saviet Respubliki, a taksama Kanstytucyjny i Viarchoŭny sudy.
Jašče adna navina — prysvajeńnie vajskovych zvańniaŭ tym, chto nie słužyŭ. Hetaja mahčymaść raspaŭsiudžvajecca na kiraŭnikoŭ dziaržorhanaŭ, a taksama šerahu arhanizacyj paśla ŭviadzieńnia vajennaha stanovišča.
Novy ŭkaz, jak miarkujecca, dapamoža režymu Łukašenki zabiaśpiečyć sistemnaje i bieśpierabojnaje funkcyjanavańnie dziaržaŭnaha aparatu ŭ pieryjad narastańnia vajennaj pahrozy i ŭ vajenny čas.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary