«Ja prasiŭ žurnalista BT: nie vychodźcie na mitynh u piatnicu, vychodźcie ŭ niadzielu, i my zmožam uziać pad kantrol telebačańnie» — Łatuška
U žniŭni 2020 hoda na akcyi pratestu vychodzili pradstaŭniki roznych arhanizacyj. Pad ścienami Biełteleradyjokampanii ludzi sabralisia 15 žniŭnia. Kiraŭnik Narodnaha antykryzisnaha kiravańnia Pavieł Łatuška raskazaŭ pra adnu razmovu napiaredadni hetaj akcyi.
«Mnohija kažuć: treba było abaviazkova ŭziać pad kantrol dziaržaŭnaje telebačańnie. Ja pamiataju razmovu, kali ja zvaniŭ adnamu z žurnalistaŭ Biełteleradyjokampanii i prasiŭ:
«Nie vychodźcie ŭ piatnicu, nie vychodźcie ŭ subotu, nie pačynajcie zvalniacca ŭ piatnicu-subotu — zrabicie heta ŭ niadzielu». My pamiatajem, što tady na masavyja akcyi vychodzili, jak praviła, pa niadzielach. «I voś u niadzielu my pryjdziem vialikim mitynham i zmožam vas padtrymać i ŭziać pad kantrol telebačańnie»,
— padzialiŭsia Pavieł Łatuška.
Jon zhadaŭ Ksieniju Łuckinu, byłuju supracoŭnicu BT, jakaja ciapier za kratami (u Ksienii ankałohija, ale sud, niahledziačy na heta, daŭ joj 8 hadoŭ kałonii).
«My abaviazany zmahacca za ich svabodu», — skazaŭ Łatuška pra ŭsich palitźniavolenych žančyn.
Kamientary