Što budzie, kali vas raptam ukusić zdaravienny pavuk, jaki biehaŭ pa vulicach Mahilova?
Ci treba bajacca pavuka-zdaraviaka, jakoha bačyli ŭ Mahilovie? Jaho fota i videa šmat kaho ŭrazili.
Pra niečakanuju sustreču sajtu tochka.by paviedamiła čytačka. «Naša Niva» spytała ŭ čałavieka, jaki raźbirajecca ŭ pavukach, što ž heta za «źvier» byŭ i čaho ad jaho čakać. Imia ekśpierta nie nazyvajecca ŭ metach biaśpieki.
Surazmoŭca adkazaŭ, što rasfarboŭka pavuka padobnaja da zvyčajnaha dla Biełarusi Tegenaria domestica — hety pavuk časta sielicca ŭ damach (adsiul jaho druhaja nazva — damavy pavuk). Chutčej za ŭsio na videa samka, bo jany zvyčajna ŭ paŭtara-dva razy bolšyja za samcoŭ.
— Samo cieła ŭ ich nievialikaje, ale dziakujučy doŭhim naham pamiery mohuć urazić. Tegenaria domestica nie źjaŭlajecca niebiaśpiečnym dla ludziej ci chatnich žyviolin. Jak i inšyja pavuki, hety vid maje atrutu, ale jaje dastatkova, tolki kab zabić niejkaje nievialikaje nasiakomaje. Uvohule ad čałavieka jany buduć sprabavać uciačy, kali sustrenuć.
Kali raptam usio ž ukusiać — naprykład, taho, chto sprabuje złavić, to chutčej za ŭsio čałaviek adčuje tolki nievialiki dyskamfort. U redkich vypadkach mahčymyja śpiecyfičnyja reakcyi — miesca ŭkusu krychu apuchnie i budzie baleć. Ale navat u hetym vypadku ŭsio projdzie samo maksimum praź niekalki dzion.
Kali kazać pra atrutnych pavukoŭ, to ŭ 2013 hodzie navukoŭcy paviedamlali ab tym, što ŭ suviazi z paciapleńniem klimatu ŭ Biełarusi stali aktyŭna raśsielacca pavuki-tarantuły — jany ablubavali pojmy rek Prypiać, Dniapro i Sož.
Pa vulicach Mahilova biehaje zdaravienny pavuk VIDEA
«Dva tydni na Maldyvach daražejšyja, čym paŭtara miesiaca ŭ Aŭstralii». Biełaruski raskazali pra svaje ekzatyčnyja padarožžy i vydatki na ich
Ekzatyčnyja kankurenty kocikaŭ. Jakich niezvyčajnych chatnich hadavancaŭ možna sustreć u biełaruskaj pravincyi
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła16
Kamientary