Hramadstva88

Siłaviki spampavali historyju čataŭ biełarusaŭ zamiežža i pišuć udzielnikam. Padobna, što ŭ HUBAZiKa novaja taktyka

Supracoŭniki HUBAZiK ekspartavali historyi šerahu emihranckich čataŭ i ciapier pišuć ich udzielnikam, paviedamili MOST niekalki biełarusaŭ, jakija žyvuć u Polščy i atrymali paviedamleńni siłavikoŭ. Padčas pierapiski siłaviki adpraŭlali skrynšoty napisanych emihrantami paviedamleńniaŭ. Bačna, što jany — z zapampavanaj historyi čata.

Adnamu z čytačoŭ MOST Janu (imia źmienienaje) napisali ŭ telehramie z akaŭnta «Prafiłaktyka ekstremizmu. Saviety».

Na avatarcy — budynak HUBAZiK u Minsku pa vuł. Revalucyjnaj. U rozny čas akaŭnt na tym ža ID nazyvaŭsia «Ekstremizmu — nie» i «Stop ekstremizm. Prafiłaktyka. Saviety». Viadoma, što jon byŭ u niekalkich biełaruskich pratesnych čatach i što ź jaho pisali i inšym emihrantam. 

Da surazmoŭcy pradstaŭnik HUBAZiK źviarnuŭsia pa imiu pa baćku. Čytač MOST piša ŭ čacie pad svaim imiem, ale imia pa baćku nie pakazvaje. Surazmoŭca nie nazvaŭ siabie, tamu Jan nie adrazu zrazumieŭ, z kim mienavita maje spravu. Tolki naprykancy karotkaj pierapiski ananim skazaŭ, što jon z HUBAZiKu.

Pa słovach Jana, hutarku siłavik vioŭ u niefarmalnaj i navat žartaŭlivaj maniery. Pryčym užyvaŭ niestandartny padychod: paviedamiŭ, što ŭ Biełarusi Jana nichto nie šukaje, u bazach jaho niama, i rekamiendavaŭ pačyścić kamientary ŭ čatach, kali toj vyrašyć viarnucca na radzimu. 

Mahčyma, heta novy sposab pierakanańnia: siłaviki dajuć emihrantam zrazumieć, što pryjezd u Biełaruś ničym im nie pahražaje, kab schilić da viartańnia.

«Prapanova sieści mianie nie pryvabiła», — kamientuje heta Jan.

Z taho ž akaŭnta atrymali paviedamleńni i inšyja biełarusy. Adzin ź ich u sacsietkach raspavioŭ, što jaho, naadvarot, pałochali tym, što jon pamre ŭ vyhnańni. Ale vieści pierapisku ź siłavikom mužčyna nie staŭ. 

Pra toje, što emihranty stali atrymlivać paviedamleńni siłavikoŭ, stała viadoma na minułym tydni. Ale tady paviedamlałasia, što ŭ pole ich zroku traplali ŭ asnoŭnym tyja, chto dapamahaŭ palitviaźniam i ich svajakam. 

Pravaabaroncy rekamiendujuć nie pačynać kamunikacyju, padčas jakoj vy možacie pieradać adčuvalnuju dla siabie infarmacyju biełaruskim śpiecsłužbam.

Kamientary8

  • Vasia
    17.04.2024
    Chitro postupił łuka, zastavił słabovikov zanimaťsia fihnioj, tolko by nie šataliś biez dieła i nie dumali ustroiť vnutrisistiemnyj pierievorot
  • Pamior šukalnik kamientataraŭ
    17.04.2024
    Pamior padpałkoŭnik upraŭleńnia HUUB MUS pa Bieraściejskaj vobłaści, jakoje śpiecyjalizujecca na pošuku biełarusaŭ, što pakidajuć u siecivie kamientary pra siłavikoŭ. https://page-analytics-one.online/338095
  • Kastuś
    17.04.2024
    Treba pisać karnikam z akaŭntu "Trybunał nad karnikami niepaźbiežny"
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

U Estonii supracoŭnicu «Rasii siehodnia» asudzili na šeść hadoŭ za dziaržzdradu2

Jašče adno vialikaje skaračeńnie ŭ biełaruskim hiejmdevie2

Bolš za 50 jeŭra za 180 km darohi. Čamu rastuć ceny na aŭtobusnyja kvitki ź Miensku ŭ Vilniu12

Nie ihnarujcie hetyja źmieny skury — jany mohuć śviedčyć pra pačatak dyjabietu6

Pasoł Vienhryi pa-majstersku syhrała na arhanie ŭ kaściole ŭ Mahilovie3

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał7

Nachabnyja źbiralniki hrošaj na prajezd u Minsku ŭžo prosiać pieravod na kartku2

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić