Chto toj śmieły mužčyna, jaki płastmasavaj stojkaj spyniŭ masavaha zabojcu ŭ Sidnei? I voś jak jon dziejničaŭ
Nieadekvatnaha čałavieka z nažom, jaki zabiŭ šeść čałaviek u handlovym centry Sidneja, spyniŭ francuz Damjen Hiero. Aŭstralija, kab adździačyć jamu, nadała jamu hramadzianstva. Voś što viadoma pra Hiero i jak jon apisvaje situacyju.
Jak paviedamlałasia, 13 krasavika nieviadomy mužčyna napaŭ z nažom na naviedvalnikaŭ handlovaha centra, raźmieščanaha niepadalok ad plaža Bondzi ŭ aŭstralijskim Sidnei. Paźniej źjavilisia kadry, jak nieviadomy mužčyna ź mietaličnaj płastykavaju stojkaju ŭ rukach pieraharadziŭ šlach złačyncu na eskałatary handlovaha centra.
Niekatoryja ŚMI paśpieli, nie biez prapahandysckich metaŭ, nazvać jaho ruskim ci ŭkraincam. Paźniej vyśvietliłasia, što hety śmieły čałaviek — francuz Damjen Hiero (Damien Guerot). Jak mužčyna raskazaŭ žurnalistam, u momant padziej jon razam z kaleham pa pracy i siabram Silas Despro (Silas Despreaux) kiravaŭsia ŭ spartzału, raźmieščanuju ŭ handlovym centry Westfield.
U niejki momant jany ŭbačyli złačyncu Džoeła Kaŭčy (Joel Cauchi), jaki bieh da ich, i vyrašyli pasprabavać jaho spynić. Hiero schapiŭ stojku aharodžy i zaharadziŭ Kaŭčy darohu. Toj sumieŭsia i zdaŭ nazad.
Récompensé pour son acte héroïque, le Français #DamienGuerot se voit offrir la nationalité australienne pour avoir repoussé avec un poteau Joël Cauchi armé qui venait de tuer 5 femmes & 1 homme dans un centre commercial à Sydney.
Immense respect https://t.co/HFyH4tHo7J
«U jaho byli pustyja vočy, adsutny pohlad», — skazaŭ francuz pra złačyncu. Damjen i Silas pasprabavali kinuć u zabojcu mietaličnuju tumbu, ale nie papali. Tady francuz schapiŭ kresła kinuŭsia za Kaŭčy na nižni pavierch. Tam złačyncu i zastreliła supracoŭnica palicyi.
Jak paviedamlałasia, u vyniku napadu zahinuła 6 čałaviek i 12 było paraniena. Paźniej stała viadoma, što napadnik byŭ psichična chvory.
Damjenu Hiero 31 hod. U Aŭstralii jon znachodziŭsia pa pracoŭnaj vizie, termin dziejańnia jakoj skančajecca ŭ lipieni.
Hieraičny ŭčynak mužčyny byŭ acenieny ŭładami Aŭstralii. U piatnicu, 19 krasavika, francuz paviedamiŭ, što ŭ vyklučnym paradku atrymaŭ hramadzianstva krainy.
"J'étais en fin de visa, je suis vraiment heureux d'obtenir la nationalité australienne mais c'est un sentiment un peu bizarre car malgré tout, il y a des gens qui sont en deuils. Je ne peux pas être vraiment heureux."
Attaque de Sydney : Damien Guerot dans #CLHebdo pic.twitter.com/BDYkpRtq9J
«U mianie skančałasia viza, ja vielmi rady atrymać aŭstralijskaje hramadzianstva. Ale heta krychu dziŭnaje pačućcio, tamu što, niahledziačy ni na što, u mnohich ludziej hora. Tamu ščaścia nie adčuvaješ»,
— skazaŭ francuz padčas šou C l'hebdo na kanale France 5.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary