Hienadź Davydźka znajšoŭ zusim niečakanyja pryčyny pratestaŭ 2020 hoda
Eks-deputat i eks-čynoŭnik Hienadź Davydźka na tok-šou «Jašče nie viečar» telekanała ANT nazvaŭ svaju viersiju pryčynaŭ pratestaŭ 2020 hoda i na chadu prydumaŭ siužet fentezi pra tyja padziei, zaŭvažyŭ «Śviaŝiennyj Biełavud».
«Kali b u nas byŭ dobry kiniematohraf, u nas nie było b biady ŭ žniŭni 2020 hoda. Razumiejecie, čym mienš hrošaj na kulturu, tym bolš hrošaj na turmy», — pakručastym šlacham zrabiŭ vysnovy Davydźka.
Maŭlaŭ, kali b isnavaŭ dobry kiniematohraf, nichto suprać Łukašenki nie pratestavaŭ by.
Taksama Davydźka pa-chutkamu prydumaŭ siužet dla stužki pra 2020 hod u žanry fentezi. Niby niejki monstr stvaryŭ žučkoŭ, jakija praz radyjo zapaŭźli ŭ hałovy biełarusam, kab tyja ŭziali BČB-ściahi i vyjšli na płoščy ź mitynhami.
«Voś, kali łaska, heta fentezi, ale jano spracuje na niekatoruju publiku bolš, čym drama», — kaža jon.
Mienavita scenaroŭ pra 2020 hod nijak nie moža zdabyć Minkult, bo nichto nie choča zdymać pra «hieraizm siłavikoŭ».
Premjera kamiedyi ad «Biełaruśfilma»: u hałoŭnaj roli rasiejec, a małady režysior prapanuje vadzić školnikaŭ
«Jon vielmi ścipły čałaviek». Hiendyrektar «Biełaruśfilma» miarkuje, što pryjšoŭ čas źniać film pra Łukašenku
U MDŁU prymušajuć hladzieć film pra «patryjatyčnych lekaraŭ, jakija nie chočuć na Zachad». U chod iduć pahrozy
Samy kasavy film u historyi biełaruskaha kiniematohrafa. Pra što jon?
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary