Kirył Rudy znajšoŭ sabie novuju pracu ŭ Dubai, ale zusim nie pa statusie
Ab tym, što były daradca Łukašenki Kirył Rudy ŭ aktyŭnym pošuku pracy, možna było zrazumieć pa jaskrava-zialonym nadpisie «#opentowork» («adkryty da raboty»), jakim jon abramiŭ svajo fota ŭ prafiesijnaj sacyjalnaj sietcy Linkedin — usio, kab pryciahnuć uvahu pracadaŭcaŭ. Vyhladaje, što pracu Rudy narešcie znajšoŭ, ale nie zusim tuju, jakoj možna było b hanarycca ź jahonym reziume.
«My rady pradstavić vam našaha novaha daradcu, doktara Kiryła Rudaha. Doktar Rudy vałodaje bahatym vopytam raboty ŭ jakaści daradcy Alaksandra Łukašenki i pasła Biełarusi ŭ Kitai», — taki dopis źjaviŭsia ŭ sacyjalnych sietkach emirackaj kampanii EurAsiaGulf.
Kampanija, miakka kažučy, nie karystajecca viadomaściu i nie maje reputacyi surjoznaj arhanizacyi. Sens jaje dziejnaści ŭ tym, kab praz supolnyja mierapryjemstvy znajomić pamiž saboj pradstaŭnikoŭ biznesu postsavieckich i arabskich krain, jakija šukajuć abo hrošy, abo dobryja miescy i prajekty dla ŭkładańnia inviestycyj.
Salidnyja arhanizacyi i darosłyja biznesmieny redka prybiahajuć da dapamohi takich pasiarednikaŭ, tamu što mohuć arhanizavać sabie kantakty z patencyjnymi partniorami naŭprost.
Tamu kampanija aryjentujecca na metavuju aŭdytoryju praściejšuju i za humannyja 40-50 jeŭra prapanuje klijentam abiedy z pasłami postsavieckich i bałkanskich krain, padčas jakich tyja pakazvajuć prezientacyi pra biznes-mahčymaści ŭ svaich jurysdykcyjach.
Niajasna, nakolki ŭvohule paśpiachova iduć spravy ŭ novaj arhanizacyi Rudaha — sacsietki kampanii składajucca z botaŭ, a ŭ śpisie praviedzienych mierapryjemstvaŭ nie zaŭvažana značnych biznes-fihur.
Rudy, jaki staŭ daradcam pa technałohijach i inavacyjach, — samaja bujnaja fihura siarod supracoŭnikaŭ EurAsiaGulf. Novyja kalehi byłoha daradcy Łukašenki — dypłamaty treciaha ešałonu i drobnyja biznesmieny.
Taksama nieviadoma, ci daviadziecca Rudamu dla raboty lacieć niepasredna ŭ śpiakotnyja Emiraty, abo jon zmoža vykonvać kansałtynhavuju pracu dystancyjna.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj18
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary