Mininfarm vypadkova apublikavaŭ manitorynh niezaležnych miedyja. Voś što šukali čynoŭniki
Zamiest Respublikanskaha Śpisa ekstremisckich materyjałaŭ Mininfarm na svaim aficyjnym sajcie raźmiaściŭ ahlad niezaležnych ŚMI, zaŭvažyła «Viasna».
Jak vyhladaje z pačatku dakumienta, supracoŭnikam Mininfarma cikava, što niezaležnyja ŚMI pišuć pra ich samich i padnačalenuju imi śfieru, i kab heta vyśvietlić, jany manitorać infarmacyju praz pošukavuju sistemu INTERSCAN pa nastupnych pošukavych zapytach:
«ŚMI», «srodki masavaj infarmacyi», «Markaŭ», «Andrej Kuncevič», «prapahandyst», «žurnalist», «ideołah», «ideałohija», «Puł», «kłub redaktaraŭ», «Mininfarm», «Mininfarm Biełarusi», «Ministerstva infarmacyi», «Ministerstva praŭdy», «rajonnyja haziety», «rajonka», «Lebiedzieva», «Azaronak», «Pustavy», Tur».
Charakterna, što va ŭnutranaj dakumientacyi Ministerstva infarmacyi niepadkantrolnyja łukašystam ŚMI prachodziać jak «niedziaržaŭnyja» i «apazicyjnyja», ale nie jak «ekstremisckija», niahledziačy na toj vobraz, jaki prapahandysty imknucca pry dapamozie i spryjańni siłavikoŭ naviazać hramadstvu.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary