Biełaruski mastak-akcyjanist Alaksiej Kuźmič vykłaŭ videa svajho novaha pierformansu.
Mastak zładziŭ jaho ŭ francuzskim haradku Avier-siur-Uaz. Mienavita tam na mohiłkach pachavany Vinsent van Hoh — aŭtar «Zornaj nočy», «Słaniečnikaŭ» i inšych hienijalnych karcin.
Kuźmič pryjšoŭ na mohiłki ŭ biełych kašuli i štanach, z pabielenym tvaram i rydloŭkaj u rukach, a pierad pačatkam akcyi praźvinieŭ jahony budzilnik. Alaksiej abviaściŭ niešmatlikim naviedvalnikam mohiłak, što nie moža žyć u śviecie, dzie skončylisia mastaki, ale ciapier «usio źmienicca», i ŭ śviet vierniecca mastak.
Dalej Kuźmič źviarnuŭsia da mahiły i niekalki razoŭ zaklikaŭ van Hoha ŭstać, a taksama pačaŭ raskopvać mahiłu. Daloka prasunucca jon nie zdoleŭ. Mastaka spynili ludzi ŭ formie — napeŭna, achova ci palicyja.
«Naša Niva» — bastyjon biełaruščyny
PADTRYMAĆ
Kamientary