Rasija atrymała ad KNDR dalnabojnyja samachodnyja supraćtankavyja rakietnyja kompleksy — jany ŭžo na froncie
Rasijskaja armija ŭžo ŭžyvaje kompleksy Bulsae-4 — adzin ź ich byŭ znojdzieny ŭkrainskaj aeraraźviedkaj.
Rasija atrymała ad KNDR dalnabojnyja samachodnyja supraćtankavyja rakietnyja kompleksy Bulsae-4.
Kompleks vyjaviła ŭkrainskaja aeraraźviedka ŭ adnym z napramkaŭ, kali jon znachodziŭsia na adkrytaj miascovaści, paviedamlaje mil.in.ua.
Bulsae-4 zdolny źniščać celi pa-za pramoj bačnaściu na adlehłaści bolš za 10 kiłamietraŭ. Dakładnych danych ab charaktarystykach kompleksu niama, adnak ekśpierty miarkujuć, što jaho dalnabojnaść moža składać da 25 kiłamietraŭ. Heta aznačaje, što jon moža paražać celi ź biaśpiečnaj dla siabie adlehłaści.
Puskavaja ŭstanoŭka Bulsae-4 składajecca z pavarotnaha pakieta z vaśmi kantejnieraŭ z rakietami, raźmieščanych na šasi paŭnočnakarejskaha kołavaha bronietransparciora M-2010.
Kiravanaja rakieta abstalavana stabilizatarami i režymam ataki źvierchu, dzie ŭ braniatechniki vielmi tonkaja brania. Dla naviadzieńnia vykarystoŭvajecca elektraaptyčnaja hałoŭka ŭ spałučeńni z navodkaj pa optavałakonavym kabieli.
Pastajanny videa kantakt dazvalaje ažyćciaŭlać pieranaviadzieńnie ŭ vypadku vyjaŭleńnia bolš pryjarytetnaj celi. Taksama heta dazvalaje dasiahać vysokaj dakładnaści źniščeńnia na maksimalnaj dalokaści ź pieršaha strełu.
ŚMI raniej paviedamlali, što Rasija za paŭhoda mahła atrymać ad KNDR 1,6 młn snaradaŭ dla vajny suprać Ukrainy.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj18
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary