U Hrodnie pravierać biaśpieku Zamkavaj hary — kab Stary zamak nie spoŭz u Nioman
Raźličyć ustojlivaść schiłu, dzie staić Stary zamak, chočuć u Hrodnie. Raboty praviaduć u ramkach restaŭracyi i prystasavańnia zamka pad historyka-archieałahičny muziej, piša Hrodna.life.
«Instytut Hrodnahramadzianprajekt» pravodzić pieramovy pa vybary subpadradčykaŭ. Kolki budzie kaštavać pasłuha, pakul nie paviedamlajecca. Vybieruć taho, chto prapanuje najmienšuju canu.
Raniej Staromu zamku pahražali apoŭźni
«Schiły pahorkaŭ Staroha i Novaha zamkaŭ, niekali ŭmacavanyja karaniami kustoŭ i dreŭ, siońnia znachodziacca ŭ pahroźlivym stanie», — pisaŭ pra stan schiłu krajaznaŭca Viktar Sajapin jašče 10 hadoŭ tamu. Jon uspaminaŭ vypadki apoŭźniaŭ z XIX i pačatku XX stahodździa.
Naprykład, u 1926 hodzie abrynuŭsia frahmient Novaha zamka, a ŭ 1927 — častka hary Staroha zamka. Tady ziamla asypałasia z-pad noh polskaha sałdata i ad padzieńnia ŭ Nioman jaho vyratavaŭ kalučy drot, za jaki jon začapiŭsia i pavis.
«Dla praduchileńnia padobnaj dramy, jakaja razhulałasia ŭ siaredzinie 20-ch hadoŭ minułaha stahodździa, nieabchodna prymać nieadkładnyja miery pa ŭmacavańni schiłaŭ abodvuch pahorkaŭ. Dla hetaha možna vykarystoŭvać užo pravieranyja časam technałohii», — ličyŭ Sajapin.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary