Depilacyja intymnaj zony bolš nie ŭ modzie, papularnaja vałasataść. Heta pryvodzić da niečakanych nastupstvaŭ
Jašče niadaŭna byŭ papularny ruch mietraseksuałaŭ, jaki pryvioŭ da šyrokaha raspaŭsiudžvańnia siarod mužčyn praktyki vydaleńnia vałasoŭ z roznych zon cieła. Apošnim časam nabiraje abaroty advarotny trend.
Čamu niekatoryja mužčyny holać intymnyja zony?
Časam pa toj prostaj pryčynie, što ich partniorki prosiać ab hetym. Avałasieńnie moža vyklikać dyskamfort, naprykład, padčas aralnaha seksu.
Jašče bolšaja prablema ŭźnikaje, kali avałasieńnie nastolki intensiŭnaje, što intymnaja zona nahadvaje lasny huščar. Hienitalii vydzialajuć pot, a padčas seksu partniory abmieńvajucca roznymi vadkaściami, jakija zastajucca na vałasach.
Adnak nie stolki praktyčnyja pieravahi, a moda mieła najbolšaje značeńnie. Mietraseksualnaść asacyjavałasia ź minimumam vałasataści.
Minusy haleńnia intymnych zon
Vydaleńnie vałasoŭ maje svaje padstavy, ale spałučana taksama z peŭnymi ryzykami. Depilacyja — darečy, i słova «depilacyja», i słova «epilacyja» pravilnyja — z dapamohaj brytvy, vosku abo cukrovaj pasty moža pryvieści da ŭrastańnia vałasoŭ, sypu i razdražnieńnia skury, asabliva ŭ adčuvalnych zonach, — raskazaŭ LRT.lt. Tadas Raŭdonis, kiraŭnik Centra dermatavienierałohii klinik Santaros pry Vilenskim univiersitecie.
«Kali my zbryvajem vałasy na pavierchni skury, pavialičvajecca ryzyka ich niapravilnaha adrastańnia, što moža pryvieści da ŭtvareńnia naryvaŭ», — dadaje jon.
ֿNa dumku doktara, «bolš biaśpiečna rabić łaziernuju epilacyju abo — značna tańniejšy varyjant — vykarystoŭvać śpiecyjalnuju brytvu, kali vałasy nie vydzirajucca i nie zrazajucca pad korań, a pakidajucca daŭžynioj niekalki milimietraŭ. I heta vyhladaje akuratna».
Moda mianiajecca
Niezaležna ad hihijeničnych i praktyčnych mierkavańniaŭ, jość niešta takoje, jak moda. I voś, naturalnaje avałasieńnie, jakoje jašče niadaŭna ličyłasia rudymientam minułaha, siońnia stanovicca elemientam novaha trendu.
«Kali jašče piać hadoŭ tamu mnohija mužčyny imknulisia da poŭnaj depilacyi intymnych zon, amal da absalutnaj hładkaści, ciapier źjaviŭsia novy trend — poŭnaje avałasieńnie na ŭsich častkach cieła, navat u padpachach», — dzielicca nazirańniami doktar Raŭdonis.
Heta tyčycca nie tolki mužčyn. Siarod žančyn usio bolšym popytam karystajecca pasłuha pierasadki vałasoŭ… u zonu bikini.
«Kali mužčyny źviartajucca pa naroščvańnie vałasoŭ u vobłaści barady, to žančyny — pa transpłantacyju vałasoŭ u intymnyja zony» — kaža doktar Raŭdonis.
Tak ci inakš, varta pamiatać, što modnyja tendencyi časta źmianiajucca, ale zdaroŭje i zdarovy sens pavinny być na pieršym miescy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary