Biełarusy nie zmohuć słužyć va Uzbrojenych siłach Litvy i znachodzicca ŭ litoŭskim Sajuzie strałkoŭ. Papraŭki da adpaviednych zakonaŭ pryniaŭ Siejm Litvy, piša LRT.
Akramia biełarusaŭ u vojsku Litvy nie zmohuć słužyć hramadzianie Rasii i Kitaja.
Zhodna z papraŭkami, hramadzianie hetych krain nie buduć prymacca na prafiesijnuju vajskovuju słužbu, na słužbu ŭ dobraachvotnickija siły i na abaviazkovuju vajskovuju słužbu. Kali čałaviek, jaki ŭžo słužyć u armii Litvy, atrymaje hramadzianstva Rasii, Biełarusi abo Kitaja, jaho zvolniać sa słužby.
Taksama ŭrad Litvy paćvierdziŭ, što prafiesijnyja vajskoŭcy nie mohuć naviedvać ź niesłužbovymi metami krainy, jakija ŭjaŭlajuć pahrozu nacyjanalnaj biaśpiecy.
U listapadzie Uzbrojenyja siły Litvy paviedamili, što ŭ vojsku słužyć 11 čałaviek z hramadzianstvam Litvy i Rasii ci Biełarusi.
Ahułam va Uzbrojenych siłach Litvy słužać kala 20 tysiač čałaviek.
Kamientary
Voś i siońnia va Ukrainie na baku ZSU vajujuć ŭ bolšaści biełaruskija dobraachvotniki, a sučasnych litoŭcaŭ, naščadkaŭ Žamojci ŭ ZSU niama.