U minskich škołach zabaranili nie tolki Santu i zamiežnyja chity, ale i kaladnyja pieśni
Rasparadžeńnie ad kiraŭnictva horada z zabaronaj vykarystoŭvać ich padčas śviatočnych mierapryjemstvaŭ atrymali kłasnyja kiraŭniki staličnych škoł.
Pra heta paviedamlaje «Jeŭraradyjo».
Pry hetym rekamiendujecca rabić akcent na biełaruskich tradycyjach, ale nie ŭdakładniajecca, što čynoŭniki majuć na ŭvazie.
U paviedamleńni nie paznačana data rassyłki dakumienta ŭ minskija škoły, a taksama jaho aŭtarstva. «Jeŭraradyjo» pryvodzić poŭny tekst paviedamleńnia, atrymanaha nastaŭnikami (styl i arfahrafija aryhinała zachavanyja):
«Uvažajemyje kłassnyje rukovoditieli, rasporiažienije rukovodstva horoda:
na utrieńnikach, muzykalnych mieroprijatijach, korporativach ZAPRIEŜIEN SANTA KŁAUS, roždiestvienskije i anhłojazyčnyje pieśni (tipo Jingle Bells)
ISPOLZUJEM: naši iźviestnyje pieśni i našich skazočnych piersonažiej.
Akcient na biełorusskije tradicii.
Tožie samoje kasajetsia i novohodnich ukrašienij!!!!
Takžie prosim obratiť vnimanije na orhanizaciju vyjezdnych novohodnich i roždiestvienskich mieroprijatij i ekskursij. Vsie płanirujemyje vyjezdy i ekskursii tolko čieriez sohłasovanije so mnoj libo diriektorom.
Primitie eto, požałujsta, k śviedieniju».
Źviartaje na siabie ŭvahu toje, što ŭ tekście paviedamleńnia havorycca nie tolki pra zabaronu anhłamoŭnych pieśniaŭ, ale ŭsich kaladnych. Mahčyma, heta adbyłosia praź niepiśmiennaść aŭtaraŭ paviedamleńnia, jakija faktyčna zabaranili chryścijanski składnik u zimovych śviatach. Tady pad biełaruskimi tradycyjami, vidać, majuć na ŭvazie jazyčnickaha Ziuziu i ruskich Dzieda Maroza dy Śniahurku.
Nahadajem, raniej Minharvykankam nakiravaŭ u staličnyja arhanizacyi handlu i hramadskaha charčavańnia ŭkazańni adnosna navahodnich upryhažeńniaŭ. Ciapier u dekory vitajucca vyklučna «elemienty słavianskaha pachodžańnia». Taksama paviedamlałasia, što minskija arhanizacyi handlu i hramadskaha charčavańnia atrymali ad miascovych uładaŭ ukazańni nakont afarmleńnia navahodnich upryhažeńniaŭ.
U Rasii źniali rolik, jak Santa-Kłausa nad Kramlom na prośbu Dzieda Maroza źbivaje SPA. Videa reposnuŭ i Azaronak
Biełaruska raskazała, kolki zarablaje jak Śniahurka ŭ Polščy
«Tolki elemienty słavianskaha pachodžańnia». U Breście taksama zabaranili Santa-Kłausa, sani, aleniaŭ i papularnyja chity
Minskija ŭłady pradpisvajuć upryhožvać navahodnija vitryny tolki «elemientami słavianskaha pachodžańnia»
Juraś Ziankovič raskazaŭ pra svajo vyzvaleńnie i šlach u ZŠA6
Kamientary