Były palitviazień pra Babaryku: Hadzińniki ŭsim dazvalajuć, a voś takaja roba — pakazucha
Pravaabaronca i były palitviazień Leanid Sudalenka prakamientavaŭ siońniašnija fotazdymki Viktara Babaryki.
Sudalenka kanstatuje, što vyhladaje Viktar Dźmitryjevič stomlenym.
«Dla čałavieka, jakomu ŭžo za 60 i jakomu na hałavu zvalilisia takija vyprabavańni, ja skazaŭ by norm. Paholeny, pastryžany, huzik zašpileny — źniešni vyhlad tam patrabavańnie režymu.
Hadzińnik na ruce dazvalajuć usim i na luby hust, nie było nikoli ŭ palityčnych z hetym prablem. A voś novieńkaja sa škłomateryjału «roba» ci klift, jak jaho tamaka zavuć, sapraŭdy pakazucha dla fota. U takich niezaściranych kliftach chiba što ŭ karantynie paśla etapu pieršy tydzień viaźni tak vyhladajuć», — piša Sudalenka.
Były palitviazień, jaki adbyvaŭ pakarańnie ŭ inšaj kałonii, — PK №3 u Viciebsku, miarkuje, što Babaryku mahli zdymać u «pakoi psichołaha ŭ łahiernym kłubie ci blizka da taho».
«Uspaminaju, na padobnuju kanapu mianie jakraz psichołah sadziŭ, kali razam sa šklankaj vady addavaŭ telehramu pra śmierć baćki…» — uzhadvaje jon.
Toje, što zmoh pramović Viktar Dźmitryjevič na videa, Sudalenka prosić nie abmiarkoŭvać, «bo ŭ zakładnikaŭ niama vybaru».
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary