Sabaka lubiŭ u zubach nasić telefon. Heta pryviało da śmierci haspadyni i dvuch sabak
Trahiedyja adbyłasia ŭ listapadzie. Na miescy zdareńnia ratavalniki zafiksavali śmierć 79-hadovaj žančyny i dvuch sabak. Pryčynaj śmierci staŭ čadny haz i termičnyja apioki, paviedamiŭ Dziaržaŭny kamitet sudovych ekśpiertyz.
Padčas ahladu kvatery supracoŭniki DKSE vyjavili frahmienty mabilnaha telefona, jakija byli adpraŭleny ŭ łabaratoryju. Pavodle vynikaŭ pažarna-techničnaj ekśpiertyzy, pryčynaj uzharańnia stała karotkaje zamykańnie ŭnutry akumulatara telefona.
«U razhladanym vypadku pryčynaj karotkaha zamykańnia moh stać fizičny faktar — defarmacyja batarei, vyklikanaja prymianieńniem źniešniaj siły», — paviedamili ekśpierty.
Rodnyja zahinułaj žančyny pralili śviatło na niekatoryja abstaviny. Jak paviedamlajecca, adzin z sabak, jaki zahinuŭ u kvatery, mieŭ zvyčku padymać z padłohi pult dystancyjnaha kiravańnia albo mabilny telefon, usprymajučy ich jak cacku. Jon braŭ rečy ŭ zuby i nasiŭ pa pakoi.
Hetaja zvyčka, razam z usimi ŭstanoŭlenymi abstavinami i vynikami sudovaj ekśpiertyzy, mahła stać pryčynaj pałomki ŭ mabilnym telefonie, jakaja pryviała da pažaru.
Kamientary