Uzbrojenyja siły Ukrainy pad naciskam rasijskich vojskaŭ pakinuli horad Časaŭ Jar, važny dla ŭkrainskaj abarony na Danbasie, paviedamlaje vydańnie The Moscow Times, spasyłajučysia na piać niezaležnych adna ad adnoj vajskovych i ŭradavych krynic va Ukrainie i Jeŭropie.
Horad, jaki zajmaje stratehičnaje stanovišča, amal hod trymaŭsia pad biezupynnymi atakami rasijskaj armii. Choć ni Ukraina, ni Rasija aficyjna pakul nie paćvierdzili ŭziaćcie horada, krynicy The Moscow Times na miescach paviedamlajuć, što ŭkrainskija vojski vycieśnienyja na jaho ŭskrainy.
Ukrainski vajskoviec, jaki havaryŭ na ŭmovach ananimnaści, paćvierdziŭ padzieńnie horada, skazaŭšy: «Tak, tak jano i jość».
«Usie darohi ŭ horad i ź jaho, pa jakich idzie zabieśpiačeńnie, padviarhajucca intensiŭnaj bambardziroŭcy», — skazała inšaja krynica, majučy na ŭvazie abstreły podstupaŭ da Časavaha Jara na zachadzie.
Časaŭ Jar, jaki znachodzicca na ŭzvyššy, byŭ apošnim bujnym rubiažom abarony na šlachu da Kanstancinaŭki i Družkoŭki i dalej — da bujnych haradoŭ Kramatorsk i Słaviansk. Jany źjaŭlajucca klučavymi metami Maskvy ŭ jaje namahańniach pa zachopu ŭsioj terytoryi Danieckaj vobłaści.
Pieršyja ataki na Časaŭ Jar pačalisia ŭ siaredzinie minułaj viasny. Da 21 krasavika rasijskija vojski zachapili raźmieščanaje niepadalok siało Bahdanaŭka, a da siaredziny kastryčnika prarvali liniju abarony na paŭdniovym uschodzie horada. Praź miesiac jany dasiahnuli centra; niahledziačy na kontrataki abaroncaŭ Časavaha Jara, rasijskija vojski praciahvali prasoŭvacca, asabliva na poŭnačy, i da kanca śniežnia kantralavali ŭžo bolšuju častku horada.
U paniadziełak paviedamlałasia pra ciažkija bai ŭ zachodnich rajonach.
«Rasijanie ŭ centry horada; kali chto z ukraincaŭ i zastaŭsia, to heta apošnija ačahi supracivu na ŭskrainach», — skazała The Moscow Times treciaja krynica sa spasyłkaj na šmatlikija paviedamleńni vajskoŭcaŭ.
Z davajennaha nasielnictva ŭ 12 000 da siaredziny listapada minułaha hoda ŭ Časavym Jary zastavałasia ŭsiaho 304 žychary. Evakuacyja była mocna abciažaranaja praz pastajannyja abstreły.
Žachlivyja FOTA z Časavaha Jaru. Tak vyhladaje hety horad, za jaki ciapier iduć bai
Časaŭ Jar. Čamu rasijanam tak važna zachapić hety horad
Kiepski mir ci zaciažnaja vajna. Jak Ukraina rychtujecca da taho, što Tramp pasprabuje adrazu pasadzić jaje za stoł pieramovaŭ
Apošni ryvok. Što budzie hetaj zimoj na poli boju va Ukrainie?
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary