Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»
Arhanizatary anansavali start prodažu kvitkoŭ na śpiektakli Mižnarodnaha moładzievaha teatralnaha forumu «[email protected]», jaki projdzie ŭ Mahilovie z 20 pa 27 sakavika. Praŭda, ad mižnarodnaści padziei zastałasia adna nazva.
U sioletniaj afišy bolšaja častka vystupoŭcaŭ, akramia ŭłasna biełaruskich trup, — heta hości z roznych kutkoŭ Rasii, a taksama z Łuhanska.
Źviartaje ŭvahu i vybar materyjału, u jakim vialikaja ŭvaha nadajecca ruskim piersanalijam i aŭtaram, naprykład, Čechavu ci Puškinu.
Adzin sa śpiektaklaŭ, muzyčnaja kamiedyja «Pierad kinasieansam. Try muzykanty i maja Marusieńka» ŭ aŭtarstvie Maskoŭskaha teatra «Kala doma Stanisłaŭskaha» abiacaje «pieranieści hledača ŭ savieckuju epochu, naradžajučy nastalhiju pa dalokich časach».
Amatary festu taksama źviarnuli ŭvahu na košt kvitkoŭ: u sacsietkach aburajucca cenami ŭ 80-100 rubloŭ za pastanoŭku, što mnohim miascovym budzie nie pa kišeni.
Za čas isnavańnia «[email protected]» (sioleta fiestyval pravodzicca ŭ 18-ty raz) u Mahiloŭ pryvieźli bolš za 300 śpiektaklaŭ z 20 krain śvietu. Fiestyval zaŭsiody ličyŭsia adnoj z samych cikavych teatralnych padziej u krainie. Jašče ŭ 2020 hodzie ŭ afišy byli pradstaŭniki z Polščy, Litvy, Hruzii, Sierbii, ale z taho času prahrama z kožnym hodam, na žal, robicca ŭsio biadniejšaj na mižnarodnuju raznastajnaść.
Volnyja Kupałaŭcy pravodziać u Varšavie tydzień teatra i pakazvajuć svaje znakavyja śpiektakli
U Nacyjanalnym mastackim muziei vystavili pracy Z-mastakoŭ, prykryŭšysia temaj «Vialikaj Ajčynnaj vajny»
Teatr Viery Palakovaj pastaviŭ pieraasensavanuju historyju Rahniedy. Ciapier va ŭsim vinavaty Rahvałod
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary