Śviet88

Raźviedka ZŠA nie bačyć u Pucina zacikaŭlenaści ŭ realnym mirnym pahadnieńni pa Ukrainie

Uładzimir Pucin nie zacikaŭleny ŭ realnym mirnym pahadnieńni i pa-raniejšamu ličyć, što ŭ kančatkovym vyniku vyjhraje vajnu i zmoža kantralavać usiu Ukrainu, śviedčać raźvieddanyja ZŠA i ich najbližejšych sajuźnikaŭ. Pra heta NBC News paviedamili čatyry pradstaŭniki zachodniaj raźviedki i dva pradstaŭniki Kanhresa ZŠA.

Fota: Artem Priakhin / SOPA Images LightRocket via Getty Images

Pucin spadziajecca dačakacca momantu, kali zmoža ŭziać pad kantrol usiu terytoryju Ukrainy, paviedamili krynicy NBC.

«Jon dumaje, što pieramahaje», — skazaŭ adzin z pradstaŭnikoŭ zachodniaj raźviedki, dadaŭšy, što straty Rasii na poli boju nie prymušajuć Pucina spynić vajnu.

Čynoŭniki ŭ ZŠA i inšych zachodnich krainach skieptyčna nastrojenyja da taho, što Pucin moh by pajści na kampramis i pahadzicca na realnuju, tryvałuju mirnuju damovu, skazali krynicy. Adnak na Zachadzie jość mierkavańnie, što rasijski prezident moh by pravieści pieramovy, kab pahladzieć, jakija sastupki jon moh by atrymać. Taksama jon moh by pasprabavać intehravacca nazad u mižnarodnuju supolnaść, ličać surazmoŭcy NBC.

Rasijski prezident nie maje namieru vyvodzić vojski z terytoryi Ukrainy ci advodzić z zachodniaj častki Rasii, skazali NBC krynicy ź liku pradstaŭnikoŭ vyviedki.

Bolš za toje, Pucin staŭ bolš upeŭnienym paśla niadaŭnich kamientaroŭ pradstaŭnikoŭ administracyi ZŠA, ź jakich vynikaje, što Vašynhton nie razhladaje siabroŭstva Ukrainy ŭ NATA jak realny vynik pieramoŭ, patłumačyli krynicy. «Jahonyja mety zastajucca maksimalisckimi», — dadaŭ adzin z pradstaŭnikoŭ raźviedki.

Pucin, adnak, moh by pahadzicca na časovaje spynieńnie ahniu i na bolš šyrokaje mirnaje pahadnieńnie, tamu što heta dało b rasijskaj armii čas na adnaŭleńnie, skazali surazmoŭcy žurnalistaŭ.

Pres-sakratar Rady nacyjanalnaj biaśpieki Biełaha doma Brajan Chjuz u adkaz na prośbu prakamientavać situacyju zajaviŭ:

«Kiraŭnictva prezidenta Trampa stvaryła pieršuju mahčymaść dla pieramoŭ za mnohija hady, i jon zrabiŭ heta ŭsiaho praz čatyry tydni paśla zastupleńnia na pasadu. Administracyja Trampa praciahnie damahacca pahadnieńnia, jakoje budzie prasoŭvać amierykanskija intaresy i pryviadzie hety kanflikt da kančatkovaha ŭrehulavańnia».

U razmovie z žurnalistami 17 lutaha prezident ZŠA Donald Tramp zajaviŭ:

«Ja dumaju, jon [Pucin] choča pierastać zmahacca». Na pytańnie, ci dumaje jon, što rasijski prezident choča zachapić usiu Ukrainu, Tramp adkazaŭ: «Nie, ja dumaju, jon choča spynić», paviedamlaje NBC News.

18 lutaha prajšła pieršaja sustreča delehacyj Rasii i ZŠA ŭ Er-Ryjadzie. Sustreča praciahvałasia kala čatyroch hadzin. Pa słovach pamočnika prezidenta Rasii Juryja Ušakova, udzielniki damovilisia ab padrychtoŭcy sustrečy Pucina i Trampa, raźvićci dvuchbakovych adnosin, ahučyli svaje «pryncypovyja padychody pa Ukrainie» i damovilisia «ŭličvać intaresy adzin adnaho». Ušakoŭ dadaŭ, što samit z udziełam Trampa i Pucina naŭrad ci adbudziecca na nastupnym tydni.

Kamientary8

  • Hańba
    18.02.2025
    Cap-carap - heta nie tolki pra Pujło, heta jašče i pra Trampło.
  • Andruś
    18.02.2025
    Hańba,
    Durny prykład zarazny . Tramp pajšoŭ šlacham Pucina . Pieradzieł śvietu, nahadvaje pakt Mołatava- Rybientropa
  • Elemientarno!
    18.02.2025
    Prosto amierikanskije raźviedčiki nie nachodiatsia v stol družiestviennych otnošienijach s putinym, kak Tramp!

Ciapier čytajuć

Abrynulisia ruiny papularnaj u turystaŭ siadziby. Raniej čynoŭniki admovilisia jaje vyratoŭvać — pryčyna moža ździvić5

Abrynulisia ruiny papularnaj u turystaŭ siadziby. Raniej čynoŭniki admovilisia jaje vyratoŭvać — pryčyna moža ździvić

Usie naviny →
Usie naviny

U Polščy znajšli vialikaje radovišča nafty i pryrodnaha hazu16

Hiermanija pieradaść Ukrainie piać sistem Patriot

ZŠA viarnuli ŭ Vialikabrytaniju svaju jadziernuju zbroju2

U Biełarusi pryznali «ekstremisckim» jutub-kanał najbolšaha partała Litvy4

«U žyćci kožnaha čałavieka jość učynki, što nie dadajuć jamu honaru». Stryžak prakamientavaŭ abvinavačańnie ŭ rassyłańni dykpikaŭ37

Niekalki aktyvistak abvinavacili Stryžaka: vysyłaŭ im dykpiki55

U Breście i Biełaaziorsku skardziacca na škodnyja pachi i mahčymyja vykidy z pradpryjemstvaŭ1

Kolki ciapier kaštuje kava — mołataja, u ziarniatach i raspuščalnaja? Niekatoryja ceny ździŭlajuć17

U lesie pad Rečycaj zaŭvažyli dzikabraza VIDEA1

bolš čytanych navin
bolš łajkanych navin

Abrynulisia ruiny papularnaj u turystaŭ siadziby. Raniej čynoŭniki admovilisia jaje vyratoŭvać — pryčyna moža ździvić5

Abrynulisia ruiny papularnaj u turystaŭ siadziby. Raniej čynoŭniki admovilisia jaje vyratoŭvać — pryčyna moža ździvić

Hałoŭnaje
Usie naviny →

Zaŭvaha:

 

 

 

 

Zakryć Paviedamić