U Biełarusi pačnuć vypuskać suchija vinahradnyja viny sa svajoj syraviny
U Biełarusi vyvieli pieršy ajčynny sort techničnaha vinahradu, jaki dazvolić vyrablać naturalnyja suchija viny ź miascovaj syraviny. Hetaha dabilisia navukoŭcy Navukova-praktyčnaha centra NAN Biełarusi pa bulbavodstvie i płodaaharodnictvie, piša BiełTA.
Siarod inšych navinak, raspracavanych biełaruskimi śpiecyjalistami, — sarty piersiku «Łojka», remantantnych malin «Vieraśniovaja», laščyny «Łał», «Jašma» i «Arkadź», a taksama hłohu «Svajak».
Asablivaja ŭvaha nadadziena ciomna-siniamu vinahradu techničnaha pryznačeńnia, jaki atrymaŭ nazvu «Łored». Ukaranieńnie jaho ŭ sielskuju haspadarku dazvolić pačać u krainie vytvorčaść naturalnaha suchoha vinahradnaha vina z ułasnaj syraviny.
Uvohule zaraz navukoŭcy pracujuć nad 76 vidami raślin, uklučajučy bulbu, płady, jahady, arechapłodnyja i aharodninnyja kultury.
Biełaruskija sarty bulby zajmajuć kala 50-55% u sielhaspasadkach, jabłynievyja i hrušavyja sady zabiaśpiečanyja na 80% ajčynnymi sartami, a ŭ aharodninnych pasadkach — 20%.
U halinie aharodnictva biełaruskija navukoŭcy stvaryli 102 sarty i 37 hibrydaŭ, u tym liku dla tamataŭ, ahurkoŭ i kapusty.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary