Va ŭzroście 92 hadoŭ pamior bałharski i rasijski śpiavak Biedros Kirkoraŭ. Pra heta paviedamiŭ u instahramie jahony syn, viadomy artyst Filip Kirkoraŭ.
Biedros Kirkoraŭ naradziŭsia 2 červienia 1932 hoda ŭ bałharskim horadzie Varna ŭ armianskaj siamji. U kancy 1940-ch hadoŭ skončyŭ vučylišča pa śpiecyjalnaści šaŭca, paśla hetaha niekalki hadoŭ pracavaŭ pa śpiecyjalnaści. Tady ž pačaŭ śpiavać u samadziejnym chory pry abutkovym pradpryjemstvie. U 18 hadoŭ biez muzyčnaj adukacyi byŭ pryniaty stažoram u Dziaržaŭnuju opieru Varny.
U 1966 hodzie Biedros Kirkoraŭ skončyŭ u Maskvie adździaleńnie muzyčnaj kamiedyi Dziaržaŭnaha instytuta teatralnaha mastactva. U tyja hady jon pačaŭ vystupać u prahramach Moskancerta, vykonvaŭ pieśni na italjanskaj, ruskaj i bałharskaj movach. Akramia taho, jon udzielničaŭ u estradnaj prahramie «Miełodyja siabroŭ», u jakoj vystupali artysty z sacyjalistyčnych krain.
U 1970-ja hady Kirkoraŭ vystupaŭ jak salist Maskoŭskaj abłasnoj fiłarmonii, a ŭ 1984 hodzie staŭ salistam Naŭharodskaj abłasnoj fiłarmonii. U 2012 hodzie jamu dali zvańnie narodnaha artysta Rasii.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary