Siońnia ŭ Biełarusi možna budzie nazirać častkovaje soniečnaje zaćmieńnie
29 sakavika, u subotu, nas čakaje častkovaje soniečnaje zaćmieńnie, jakoje budzie bačnaje ŭ Paŭnočnaj Amierycy, častcy Jeŭropy (u tym liku i na terytoryi Biełarusi), Hrenłandyi i Atłantyčnym akijanie, paviedamlaje padkast «Praz kosmas».
Častkovyja soniečnyja zaćmieńni adbyvajucca, kali Miesiac znachodzicca pamiž Ziamloj i Soncam, ale nie całkam zakryvaje soniečny dysk.
Najlepšaje miesca dla nazirańnia ciapierašniaha častkovaha zaćmieńnia — poŭnač Kanady i paŭvostraŭ Łabrador, dzie maksimalnaja jaho faza dasiahnie cełych 93,61%.
Što tyčycca terytoryi Biełarusi, to jana budzie na krai paŭcieniu, jaki adkinie Miesiac na płanietu. Najlepšaje ž miesca dla nazirańnia ŭ našaj krainie — heta Hrodna. Tam miesiacovaja kružełka zakryje 7,14% našaj zorki.
Na karcie bačny čas maksimalnaj fazy i praciahłaść zaćmieńnia dla abłasnych centraŭ. Naprykład, u Mahilovie častkovaje soniečnaje zaćmieńnie pačniecca ŭ 14:12, dasiahnie maksimalnaj fazy ŭ 14:40 (kali Miesiac «adkusić» 3,13% Sonca), i skončycca ŭ 15:09.
Dla tych, chto choča nazirać častkovaje soniečnaje zaćmieńnie, treba nabyć adpaviednyja akulary dla nazirańnia za Soncam. Prahlad hetaj źjavy niaŭzbrojenym vokam moža paškodzić vašy vočy i zrok. Zvyčajnyja štodzionnyja soniečnyja akulary dla hetaha nie padychodziać.
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary
Pa scenary vusaty Namieśnik Sonca na ziamli, apranuty ŭ adnu čyrvona-zialonuju naściohnavuju paviazku, u momant zatmieńnia prynosić u achviaru Kačanavu.