Mužčyna złamaŭ nos sudovaj vykanaŭcy, jakaja pryjšła spahnać doŭh u 32 rubli
Ale, jak vyśvietliłasia paźniej, heta byŭ nie adziny epizod hvałtu ŭ jahonaj historyi.
Vosieńniu minułaha hoda ŭ Babrujsku sudovaja vykanaŭca abychodziła daŭžnikoŭ. Dźviery adnoj z kvater adčyniŭ mužčyna, jaki adrazu zajaviŭ: pra nijaki padatak na nieruchomaść jon nie čuŭ i 32 rubli płacić nie źbirajecca, paviedamlaje «Mahiloŭ anłajn».
Supracoŭnica prapanavała aryštavać majomaść, ale napadpitku babrujčanin takoha varyjanta nie pryniaŭ. Pačałasia svarka, jakaja chutka pierarasła ŭ bojku. Z kvatery daŭžnika žančyna trapiła ŭ pryjomny pakoj z raźbitym tvaram i złamanym nosam
Padčas rasśledavańnia vyśvietliłasia, što heta nie pieršy vypadak hvałtu: niekalki miesiacaŭ mužčyna źniavažaŭ byłuju žonku — taksama złamaŭ joj nos i pakidaŭ siniaki.
Na sudzie mužčyna vinu pryznaŭ častkova. Biŭ sudovuju vykanaŭcu nibyta nie viedajučy, što jana pry vykanańni abaviazkaŭ. A hvałt u dačynieńni da žonki patłumačyŭ jak «abaronu» — maŭlaŭ, adkazvaŭ na jaje ŭdary.
Sud pryznačyŭ babrujčaninu 2,5 hoda abmiežavańnia voli («chimii»). Taksama jon musić vypłacić paciarpiełaj sudovaj vykanaŭcy 5 000 rubloŭ.
Kamientary
Nie zaŭsiody hvałtam možna adkazvać na hvałt, navat kali praŭda za taboj.
Kali žonka pačynaje raspuskać ruki, to lepiej ŭsiož taki raźvieścisia z pačvaraj, a nie adkazvać na jaje pravakacyi.
Nu a apošniaja napeŭna taksama mabyć adčuła ŭsiedazvolennaść, za što i atrymała.