12 krasavika padčas vykanańnia bajavoha zadańnia na samalocie F-16 zahinuŭ 26-hadovy Pavieł Ivanoŭ. Prezident Uładzimir Zialenski prysvoiŭ jamu zvańnie Hieroja Ukrainy. Pavodle krynic BBC, samalot Ivanova, vierahodna, byŭ źbity rasijskaj rakietaj.
«Usiaho rasiejcy vypuścili pa samalocie try rakiety. Heta była albo kiravanaja zienitnaja rakieta naziemnaha kompleksu S-400, albo rakieta kłasa «pavietra — pavietra» R-37», — skazała aficyjnaja krynica.
Abstaviny jašče vyśviatlajucca. Adnak krynica vyklučyła «družalubny ahoń» u hetaj situacyi. Pavodle jaho słoŭ, u rajonie vykanańnia zadačy Ivanovym nie mahli dziejničać ukrainskija sistemy SPA.
Pavodle infarmacyi VPS Ukrainy, Ivanoŭ zahinuŭ u subotu, 12 krasavika. Miesca i abstaviny zdareńnia aficyjna nie paviedamlajucca. Adzinaje ŭdakładnieńnie VPS — heta byŭ bajavy vylet.
«Jon zahinuŭ u bai, abaraniajučy rodnuju ziamlu ad akupantaŭ… Siońnia lotčyki F-16 praktyčna štodnia ŭ nievierahodna ciažkich umovach vykonvajuć bajavyja zadačy na roznych napramkach, zabiaśpiečvajučy źniščalnaje prykryćcio avijaŭdarnych hrup i nanosiačy ŭdary pa abjektach praciŭnika», — havorycca ŭ paviedamleńni.
Usie abstaviny trahiedyi ŭstanaŭlivaje mižviedamasnaja kamisija, jakaja ŭžo pačała pracu.
Heta druhaja strata źniščalnikaŭ F-16 va Ukrainie.
Pieršaja viadomaja avaryja z udziełam źniščalnika F16, jaki piłatavaŭ padpałkoŭnik Alaksiej Mieś, adbyłasia 26 žniŭnia padčas adbićcia rasijskaha pavietranaha ŭdaru. Piłot, jaki pierad tym prajšoŭ navučańnie pa kiravańni samalotam hetaha typu na Zachadzie, padčas avaryi zahinuŭ.
Adrazu paśla hetaha prezident Ukrainy Uładzimir Zialenski zvolniŭ kamandujučaha Vajskova-pavietranymi siłami Mikołu Aleščuka. Paralelna z hetym chadzili viersii, što samalot moh być źbity ŭłasnymi srodkami SPA, abo źniščany rasijskaj rakietaj na ziamli.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ33
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ3
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary