Padsankcyjnaja biełaruskaja draŭnina kantrabandaj traplaje ŭ Vialikabrytaniju
Pavodle rasśledavańnia mižnarodnaj arhanizacyi World Forest ID, značnaja častka draŭniny ź Biełarusi i Rasii niezakonna ŭvozicca ŭ Vialikabrytaniju, niahledziačy na sankcyi. Pra heta piša The Guardian, spasyłajučysia na vyniki daśledavańnia.
World Forest ID, stvoranaja ŭ 2017 hodzie, analizuje draŭninu z dapamohaj chimičnych i hienietyčnych mietadaŭ, kab vyznačyć dakładnuju hieahrafičnuju łakalizacyju pradukcyi. Heta daje mahčymaść vyjavić sapraŭdnaje pachodžańnie materyjałaŭ, navat kali jany paznačanyja jak pradukcyja ź inšych krain.
Pavodle vysnoŭ daśledavańnia, amal pałovu ŭzoraŭ biarozavaj draŭniny, jakaja nibyta pachodzić z Ukrainy, Polščy, Estonii ci Łatvii, nasamreč pryvoziać ź Biełarusi abo Rasii. Paśla pačatku vajny va Ukrainie ŭvoz takoj draŭniny ŭ ES i Vialikabrytaniju byŭ zabaronieny.
Kiraŭnica World Forest ID Džejd Sonders adznačyła, što najaŭnyja sistemy kantrolu efiektyŭnyja nastolki, nakolki dakładnyja instrumienty, z dapamohaj jakich jany pracujuć.
Taksama adznačajecca, što Biełaruś i Rasija praciahvajuć pierapracoŭvać draŭninu i pradajuć jaje praz trecija krainy — Kitaj, Kazachstan, Turcyju i inš. U ES, pavodle dadzienych, štodnia traplaje kala 22 kantejnieraŭ z padsankcyjnaj pradukcyjaj.
Ekałahičnaja arhanizacyja Earthsight paćviardžaje hetyja danyja i dadaje, što ŭ Biełarusi vykarystoŭvajecca prymusovaja praca palitviaźniaŭ na lesapierapracoŭcy. Mebla, spartyŭny invientar, cacki i parkiet u Jeŭropie vyrablajucca z vyrablenaj takim čynam faniery.
Sankcyi suprać Biełarusi byli ŭviedzienyja 2 sakavika 2022 hoda i achapili lesapradukcyju, u tym liku fanieru, piłamateryjały i pilety. U sakaviku taho ž hoda Mižnarodnaja rady dyrektaraŭ Lasnoj apiakunčaj rady (FSC) prypyniła siertyfikacyju lasnoj pradukcyi ź Biełarusi i Rasii.
U studzieni 2025 hoda pradstaŭniki biełaruskaha Minlashasa zajavili, što halina amal całkam adnaviłasia paśla sankcyj. Pavodle viedamstva, u 2024 hodzie ekspart piłamateryjałaŭ dasiahnuŭ rekordu — 1 miljona kubamietraŭ. Adnak kankretnyja krainy, kudy išli pastaŭki, nie nazyvalisia.
«Prymusovaja praca nie źjaŭlajecca ŭłaścivaj usim kałonijam prablemaj». Jak zachodni znak jakaści traplaŭ na tavary, vyrablenyja biełaruskimi viaźniami
Biełaruś nie zmahła znajści zamienu jeŭrapiejskim rynkam dla prodažu pielet
Chto pierapradaje biełaruski les u Jeŭrasajuz i ci zamiašany tut «Pinskdreŭ»
U abychod sankcyj. Jak biełaruskuju draŭninu viazuć u ES pa falšyvych dakumientach — rasśledavańnie
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary
- 50% draŭniny, jakaja nibyta z Polščy;
- 33% ... z Ukrainy;
- 30% ... z Estonii;
- 27% ... z Łatvii.