Čały: Chočacca skazać słovami Maryi-Antuanety — niama bulby, niachaj jaduć hrejpfruty i banany
Analityk Siarhiej Čały ŭ novym vypusku svajoj prahramy źviarnuŭ uvahu na absurdnuju situacyju z harodninaj u Biełarusi.
«Što tyčycca harodniny — mnie zdajecca, heta ŭžo navat nie śmiešna, bo heta niejki zusim poźni Saviecki Sajuz.
Pa telebačańni pakazvajuć bulbu. Kali MARH sapraŭdy, biez žartu, u svaim telehram-kanale vykładaje videa pra toje, jak jany naviedali «zakramy», to bok stabilizacyjnyja fondy, znajšli tam dobruju bulbu, navat pakazali jaje ludziam, ale ŭ kramy jana čamuści tak i nie trapiła».
Čały adznačaje, što siońnia adzinaj formaj hramadzianskaj aktyŭnaści stanovicca mahčymaść zdymać tyktoki pra jakaść i košt harodniny.
Pryčym havorać užo nie tolki pra bulbu, ale i pra kapustu i cybulu. Jon źviartaje ŭvahu na dziŭny paradoks z cenami:
«Voś kapusta: ceńnik jość — rubiel tryccać, a kapusty niama. A ŭ susiedniaj kramie znajšłasia kapusta ŭžo pa čatyry rubli za kiłahram. To bok pa rubiel tryccać niama, a pa čatyry — jość. Jak tak atrymlivajecca? Zahadka».
Praz toje, što ŭ biełaruskich kramach treba jašče pašukać zvyčajnuju bulbu i kapustu, ale lohka znajści ekzatyčnyja frukty, Siarhiej Čały iranizuje:
«Chočacca skazać słovami Maryi-Antuanety: jak, u paddanych niama chleba? Niachaj jaduć pirožnyja — heta ž značna smačniej! Ježcie hrejpfruty i banany».
Čały zaŭvažaje, što pavodle pastanovy, padpisanaj premjer-ministram Alaksandram Turčynym, dazvolena pavialičyć adpusknyja ceny. Z 17 krasavika pa 15 maja buduć dziejničać pavyšanyja adpusknyja i roźničnyja ceny na harodninu. Maksimalna dapuščalnaja adpusknaja cana na śviežuju bulbu (akramia mytaj) pavialičana z 76 kapiejek da 1 rubla.
«Heta, na chvilinku, na tracinu, — zaŭvažaje Čały. — U nas ža niama inflacyi, praŭda? My ž jaje strymlivajem, strymlivajem, a potym — op! — 30 pracentaŭ.
I pryčym, miarkujučy pa cenach, kali pa 1,30 niama, a pa 4 rubli jość, jaje nie na tracinu, a prykładna ŭ try razy treba pavialičyć, kab bulba, narešcie, źjaviłasia».
«Naša Niva» — bastyjon biełaruščyny
PADTRYMAĆČynoŭniki MARH pravieryli schoviščy z aharodninaj i kažuć, što ŭsio narmalna
Deficyt harodniny: śledam za kapustaj z kramaŭ prapała cybula
MARH: Bulba ŭ kramach jość, pieražyvać niama čaho
Ni bulby, ni kapusty. U mnohich kramach źnikła harodnina, na bazarach ceny zaškalvajuć
Kab nabrać dobraj, treba pakorpacca. Novaja revizija bulbianoj prapanovy ŭ kramach Minska zaśviedčyła sumny stan
Što adbyvajecca z bulbaj u Biełarusi i čamu jaje stała mienš u kramach. Reč nie tolki ŭ źmianšeńni abjomaŭ pasadak
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy20
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary