Jak minimum 17 rasijskich dronaŭ zalatali ŭ Biełaruś u minułym miesiacy, adzin ź ich upaŭ
U červieni zafiksavana jak minimum 17 vypadkaŭ parušeńnia pavietranaj prastory Biełarusi rasijskimi ŭdarnymi bieśpiłotnikami padčas masiravanych atak na Ukrainu. Takija danyja atrymanyja dziakujučy manitorynhu, jaki viadzie resurs «Fłahštok» praz ukrainski kanał «Rynda monitorit».
Heta ŭžo treci miesiac zapar, kali kolkaść takich incydentaŭ raście. Čaściej za ŭsio drony zalatali z terytoryi Ukrainy praz Homielskuju vobłaść, pierasiakajučy miažu pa Dniapry. Niekatoryja bieśpiłotniki viartalisia na ŭkrainski bok, inšyja — źnikali, i ich dalejšy los zastavaŭsia nieviadomym.
Žychary Rečycy paviedamlali, što 1 červienia bačyli i čuli nad centram horada dron typu «šachied». Aficyjnyja struktury na miescy ździvilisia zvarotu žurnalistaŭ i zajavili, što ničoha nie viedajuć pra taki incydent.
Taksama viadoma, što adzin z dronaŭ upaŭ 3 červienia kala vioski Ratmirovičy na miažy Hłuskaha i Akciabrskaha rajonaŭ. Miascovaja milicyja papiaredžvała žycharoŭ pra adkaznaść za raspaŭsiud infarmacyi. Adnak śviedki raspaznali dron jak rasijski «šachied». Pra vybuch pry padzieńni paviedamleńniaŭ nie pastupała.
Aficyjnyja krynicy tradycyjna nie kamientujuć situacyi, źviazanyja z rasijskimi bieśpiłotnikami na terytoryi Biełarusi.
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary