Ihravy debiut uradženca Baranavičaŭ Siarhieja Łaźnicy «Ščaście majo» ŭklučany ŭ konkursnuju prahramu Kanskaha kinafestu.
Ihravy debiut uradženca Baranavičaŭ Siarhieja Łaźnicy «Ščaście majo» ŭklučany ŭ konkursnuju prahramu Kanskaha kinafestu.Pra heta paviedamlaje aficyjny sajt festyvalu. 63-i Kanski fest maje adbycca z 12 pa 23 traŭnia.
Kanski naminant Siarhiej Łaźnica naradziŭsia ŭ Baranavičach u 1964 hodzie. Praz hod jahonyja baćki pierajechali ŭ Kijeŭ. Tam 
Łaźnica skončyŭ Kijeŭski Politechničny instytut dyj pracavaŭ u Instytucie kibiernetyki. Ale ŭ 1991 hodzie jon pastupiŭ u režysiorskuju majstroŭniu Nany Džardžadze ŭ Instytut kiniematahrafii, što ŭ Maskvie. Z 2001 hodu Łaźnica žyvie ź siamjoj u Niamieččynie, ale asnoŭnyja filmy źniaŭ u Sankt-Pieciarburhu.
Łaźnica dobra viadomy ŭ dakumientalnym kino, dzie maje status pryžyćciovaha kłasika i refarmatara kinamovy. Jahonaja stužka «Paŭstanak» źniataja, jak mietafizičnaje nasłańnio. U filmie «Pasialeńnie» praz tvary chvorych prastupaje vobraz i padabienstva Božaje.
Pra ihravuju stužku Łaźnicy «Ščaście majo» pakul mała što viadoma. Heta mižnarodny prajekt, źniaty Niamieččynaj, Hałandyjaj i Ukrainaj. Apierataram vystupiŭ rumynski majstar Aleh Mutu, jaki stvaraŭ «4 miesiacy, 3 tydni, 2 dni», zdymki prachodzili ŭ Čarnihaŭskaj vobłaści Ukrainy z udziełam miascovych žycharoŭ.
Biełaruski čyńnik karciny taksama važki.
Hukarežysioram stužki staŭsia biełaruski tvorca Uładzimir Hałaŭnicki, a hałoŭnuju rolu kiroŭcy-dalnabojnika syhraŭ aktor Biełaruskaha Teatru junaha hledača Viktar Niemiec. Pavodle anonsu, jahony hieroj źbivajecca z trasy i hublajecca na dzikich prastorach ruskaj pravincyi, dzie sustrakajecca ź vieteranami, prastytutkami, razbojnikami dyj milicyjantami.
Za prava ličyć Siarhieja Łaźnicu svaim tvorcam užo spračajucca Rasieja i Ukraina. U Biełarusi jość usie šancy dałučycca da hetaje sprečki. Nastupnaja ihravaja stužka, jakuju płanuje źniać Siarhiej Łaźnica — ekranizacyja apovieści Bykava «U tumanie».
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami6
Kamientary