Tolki adzin tydzień płanavaŭ papracavać na narkašop 38-hadovy mahiloviec, kab atrymać patrebnuju jamu sumu hrošaj. Adnak da zarobku sprava nie dajšła — užo na čaćviorty dzień na jaho vyjšli supracoŭniki narkakantrolu.
Doma ŭ jaho było kanfiskavana 50 skrutkaŭ. Ustanoŭlena, što z metaj zbytu jon nabyŭ asabliva niebiaśpiečnyja psichatropnyja rečyvy, nie pryznačanyja dla miedycynskaha ŭžyvańnia, — nie mienš za 170 hramaŭ alfa-PVP i 4-SMS, nievialikuju častku paśpieŭ raskłaści pa tajnikach, astatniaje zachoŭvaŭ u rasfasavanym vyhladzie, paviedamlaje Dziaržkamitet sudovych ekśpiertyz.
Kanfiskavanyja skrutki nakiravali va ŭpraŭleńnie DKSE pa Mahiloŭskaj vobłaści dla praviadzieńnia sudovych bijałahičnych i hienietyčnych ekśpiertyz, pavodle vynikaŭ jakich na abjektach byŭ vyjaŭleny bijałahičny materyjał zatrymanaha, a taksama jašče adnaho nieviadomaha mužčyny hienietyčnaha połu.
U chodzie daśledavańnia bijałahičnych uzoraŭ inšych hramadzian, jakija mohuć być datyčnyja da niezakonnaha abarotu narkotykaŭ, DNK nieviadomaha supała z hienatypam 38-hadovaha mahiloŭca.
Pry jaho asabistym vobšuku, a taksama ŭ kvatery, u jaho znajšli 5 skrutkaŭ z paraškom, roznyja materyjały i pryłady dla ŭpakoŭki rečyvaŭ i kureńnia. Pa zhadanych abjektach sudovymi ekśpiertami praviedzieny šerah ekśpiertyz. U pryvatnaści, na elektronnych vahach i łyžcy ekśpiertami była vyjaŭlena patrebnaja kolkaść miefiedronu, alfa-PVP i 4-SMS (usio heta — asabliva niebiaśpiečnyja psichatropnyja rečyvy, nie pryznačanyja dla miedycynskaha ŭžyvańnia).
Ekśpierty-bijołahi, u svaju čarhu, ustanavili, što na rułonie klejkaj stužki, frahmientach falhi i klejkaj stužki majecca bijałahičny materyjał zhadanaha 38-hadovaha mahiloŭca, što taksama śviedčyła pra jaho datyčnaść da niezakonnaha abarotu zabaronienych rečyvaŭ.
U chodzie śledstva ŭstanoŭlena, što z metaj zbytu jon nabyŭ i zachoŭvaŭ kala 250 hramaŭ alfa-PVP, 4-SMS i miefiedronu.
Dziejańni abodvuch fihurantaŭ kvalifikavany pa častcy 4 artykuła 328 Kryminalnaha kodeksa.
Prysudam suda pieršamu pryznačana pakarańnie ŭ vyhladzie pazbaŭleńnia voli terminam na 9 hadoŭ z adbyvańniem u papraŭčaj kałonii va ŭmovach uzmocnienaha režymu sa štrafam 100 bazavych vieličyń (4200 rubloŭ), i ŭ suviazi z prymianieńniem zakona ab amnistyi termin pakarańnia skaraciŭsia na 1 hod.
Druhomu zakładčyku pryznačana 11 hadoŭ papraŭčaj kałonii ŭzmocnienaha režymu sa štrafam 100 bazavych vieličyń. Uvieś jaho niezakonny zarobak spahnany na karyść dziaržavy.
Prysudy ŭ zakonnuju siłu nie ŭstupili, mohuć być abskardžany i apratestavany.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam6
Kamientary