Z pačatku kastryčnika ŭ Biełarusi vyraście košt charčavańnia dla školnikaŭ i vychavancaŭ dziciačych sadkoŭ. Urad zaćvierdziŭ novyja normy raschodaŭ na charčavańnie ŭ ŭstanovach adukacyi — jany pavialičacca na 5%.
Tak, dla navučencaŭ 6‑ch kłasaŭ haradskich škoł cana abiedu pry adnarazovym charčavańni składzie 2,84 rubla ŭ dzień zamiest raniejšych 2,70 rubla. Za miesiac (u raźliku na 22 vučebnyja dni) baćkam treba budzie zapłacić 62,48 rubla zamiest 59,40, paviedamlaje «Minskaja praŭda».
Pry dvuchrazovym charčavańni suma pavialičycca da 4,82 rubla ŭ dzień (raniej — 4,59), što składzie 106,03 rubla ŭ miesiac. U vypadku trochrazovaha charčavańnia košt vyraście z 5,40 da 5,67 rubla ŭ sutki, a za miesiac — z 118,80 da 124,74 rubla.
Taksama źmienicca apłata za charčavańnie ŭ dziciačych sadach. Dla dziaciej va ŭzroście ad 3 da 7 hadoŭ płata składzie 4,95 rubla ŭ dzień pry 10, 5‑hadzinnym znachodžańni i 6 rubloŭ — pry 12-hadzinnym.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie7
Kamientary