Baki damovilisia, što vyłučeńnie adzinaha adbudziecca na padstavie supolnaj pracedury, jakaja ŭličvaje prapanovy abiedźviuch partyj.
Vynikam pieramovaŭ, praviedzienych pamiž Biełaruskaj Chryścijanskaj Demakratyjaj i Abjadnanaj Hramadzianskaj Partyjaj stała dasiahnieńnie pahadnieńnia ab tym, što vyłučeńnie Adzinaha kandydata adbudziecca na padstavie supolnaj pracedury, jakaja ŭličvaje jak prapanovy BCHD, tak i AHP.
Nahadajem, zhodna prapanovy chryścijanskich demakrataŭ, Adzinym kandydatam ad niezaležnickich prajeŭrapiejskich demakratyčnych siłaŭ pavinien stać toj, źbiare najbolšuju inicyjatyŭnuju hrupu ŭ svaju padtrymku. AHP prapanavała nazvać Adzinym taho, chto pieramoža pa vynikach praviadzieńnia pieršasnych vybaraŭ (prajmieryz) adnačasova ŭ niekalkich haradach Biełarusi.
Hetyja prapanovy abjadnanyja ŭ padrychtavanym BCHD dakumiencie «Paradak vyłučeńnia Adzinaha kandydata ad demakratyčnych siłaŭ Biełarusi». Zaraz viaducca pieramovy pa ŭzhadnieńni pracedury ź inšymi pravacentrysckimi siłami (BNB, Ruch «Za svabodu», Partyja BNF), a taksama z bolš šyrokim śpiektram prajeŭrapiejskich demakratyčnych siłaŭ.
«Ja liču vielmi istotnym krokam toj fakt, što my pryjšli da ahulnaj pazicyi ŭ pracesie vyłučeńnia Adzinaha kandydata z AHP — adnoj z samych upłyvovych demakratyčnych siłaŭ Biełarusi, — prakamientavaŭ dasiahnutaje pahadnieńnie Vital Rymašeŭski. — Biezumoŭna, ciapier šansy na vyłučeńnie Adzinaha kandydata ad prajeŭrapiejskich niezaležnickich siłaŭ pavialičvajucca».
«Dla nas zastajecca stratehičnaj metaj vyłučeńnie Adzinaha kandydata, i my idziem da hetaj mety roznymi šlachami. Adzin ź ich — vyłučeńnie Adzinaha kandydata ad demakratyčnych siłaŭ. My zadavolenyja tym, što ŭ pieramovach z BCHD adnosna pracedury vyłučeńnia zrobleny vialiki krok napierad. My ŭpeŭnienyja, jość pierśpiektyva dałučeńnia da hetaha pracesu i inšych siłaŭ, jakija pazicyjanujuć siabie na pravym fłanhu biełaruskaj palityki», — skazaŭ Anatol Labiedźka.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ18
Kamientary