Jon pryvioz na furmancy draŭlanyja nočvy, vysypaŭ u ich pamidory i ŭvatknuŭ tudy try samarobnyja plakaty. Na adnym było napisana «Karmuška». Na druhim: «Łukašenka – žary i padavisia». A na trecim – «Rabaŭnik».
Pinski harsud aštrafavaŭ na 620 tysiač rubloŭ (20 bazavych vieličyniaŭ) žychara vioski Pinkavičy Leanida Karala. Jaho pryznali vinavatym u praviadzieńni akcyi 2 vieraśnia na pinskim stadyjonie «Chvala». Dniom raniej na stadyjonie, jaki ŭračysta adkryvali paśla rekanstrukcyi, prysutničaŭ Alaksandar Łukašenka.
U interviju Radyjo Svaboda 66-hadovy pensijaner Leanid Karol paviedamiŭ, za što jaho pakarali. Jon pryvioz na furmancy draŭlanyja nočvy, vysypaŭ u ich pamidory i ŭvatknuŭ tudy try samarobnyja plakaty.
(Karol: ) «Ja nie pamylusia, viadoma. Na adnym było napisana «Karmuška». Na druhim: «Łukašenka – žary i padavisia». A na trecim – «Rabaŭnik».
(Karespandent: ) «Lozunhi znachodziacca ŭ milicyi?»
(Karol: ) «Tak!»
Sa słovaŭ Leanida Karala, jaho zmučyła ciapierašniaja biurakratyja. Jon kaža, što źviartaŭsia sa skarhami ŭ Pinkavicki sielsaviet, zapytvaŭ, chto vinavaty ŭ prablemach, ź jakimi jon sutykajecca amal štodnia.
(Karol: ) «Kudy pajdzi, usie na Łukašenku zvalvajuć! Ja ž byŭ u sielsaviecie, zapytvaju: «Što vy ź mianie dzieracie? Heta ž rabaŭnictva!» Adkazvajuć: «Heta nia my, a Łukašenka!» Nu voś ja im i dakazaŭ. Ułada dała volu – kupi-pradaj. Pojdzie ŭ sielsaviet, za prava handlavać zapłacić try tysiačy ci piać, i ŭsio – jon haspadar! Kaža: «Biaru hetyja pamidory za 200 rubloŭ za kilahram». Zaviazie ŭ Miensk. Mianie tut abadraŭ, a tam – rabočaha. Voś što mianie šakuje!»
Spadar Karol zhadvaje, što koliś byŭ prychilnikam pierabudovy. Nahadvaje, što vykryvaŭ kradziažy miascovych načalnikaŭ:
(Karol: ) «Ja adnaho inžyneryka padłaviŭ, jon niezakonna skasiŭ travu na siena i zabraŭ. Pierabudova – treba było niešta rabić». Ja inžyneryka złaviŭ, pajšoŭ da prakurora. Harbačoŭ ža prasiŭ hajdanuć koła pierabudovy. Voś ja j hajdanuŭ. I krychu ŭ Haradzišča nie patrapiŭ».
U vioscy Haradzišča na Pinščynie i ciapier mieścicca špital dla psychična niezdarovych ludziej. Leanid Karol davodzić, što praź jaje prajšli viadomyja jamu palityčnyja inšadumcy. Nakont pryčynaŭ, što ŭratavali jaho, kaža nastupnaje:
(Karol: ) «Sens žyćcia ŭ čym moža być? Kab kožny mianie taptaŭ? Navošta žyć biez sumleńnia!?»
Kamientary