Michaiła Zacharava pazbavili pravoŭ na try hady
Aproč taho jon pavinien vypłacić maksimalny štraf -- 1 młn 225 tys.
Ranicaj 12 červienia ŭ Minsku na vulicy Mielnikajte naviutki Bentley Continental GT urezaŭsia ŭ Lexus LX570. Paśla sutyknieńnia Bentley zahareŭsia, i tušyć jaho prymčali ratavalniki. Ale naŭrad ci avaryja narabiła b stolki šumu, kali b aŭtamabil canoj kala 200 tysiač dalaraŭ nie naležaŭ trenieru chakiejnaha kłuba «Junactva» Michaiłu Zacharavu.
- U nas stolki «Bentli» i inšych mašyn traplaje ŭ zdareńni, - skazaŭ Alaksandr Łukašenka ŭ čas pres-kanfierencyi. - A ŭbačyli tolki z Zacharavym čamuści... jaki niedzie krucicca kala prezidenta. I ŭsio zamierli ŭ čakańni: "Jak adreahuje prezident?» Jak da ŭsich. Pjany? Byŭ pjany za rulom?.. Jamu praviali ekśpiertyzu - 1,03 pramile. Ja vam adkryvaju sakret. Jak tolki mnie dałažyli ranicaj pa hetaj padziei - na ŭsiu katušku, jak usim.
Sam ža Michaił Michajłavič avaryju nijak nie kamientavaŭ, a trubku jaho mabilnaha telefona paśla zdareńnia zdymała dziaŭčyna Maryna, jakaja zapeŭnivała: za rulom Bentley Continental GT była jana. I tym nie mienš pravoŭ pazbavili nie dziaŭčynu, a samoha Michaiła Zacharava.
Rašeńnie asabista prymaŭ načalnik DAI Centralnaha rajona.
- Jaho pazbavili pravoŭ na try hady i dali maksimalny štraf - 35 bazavych vieličyń (1,225 młn). Rašeńnie ab pazbaŭleńni pravoŭ było pryniataje 16 červienia (heta značyć da pres-kanfierencyi Łukašenki), - raskazaŭ "Kamsamołcy» načalnik DAI Minska Dźmitryj Karziuk.
Sam trenier za rul sieści nie moža, ale biez aŭto Michaił Zacharaŭ nie zastaniecca. U treniera jość słužbovy aŭtamabil.
- Paśla DTZ Michaił Zacharaŭ nie źjaŭlaŭsia ŭ kłubie, a da hetaha pryjazdžaŭ to sam za rulom, to jaho pryvoziŭ asabisty kiroŭca, - kažuć «KP» ŭ «Junactvie».
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro9
Kamientary