Mahčymaść viarnuć u krainu aryhinalnaje vydańnie Statuta VKŁ źjaviłasia ŭ biełarusaŭ
Kniha vystaŭlenaja na aŭkcyjon u Maskvie i kaštuje $45 tys.
Muziej historyi Mahilova abviaściŭ dabračynnuju akcyju pa zbory srodkaŭ dla vykupu ŭ pryvatnaha kalekcyjaniera ŭ Maskvie ŭnikalnaj knihi — aryhinalnaha vydańnia na starabiełaruskaj movie Statuta Vialikaha kniastva Litoŭskaha 1588 hoda. Pra heta paviedamiŭ dyrektar muzieja Alaksiej Baciukoŭ.
Statut byŭ vystaŭleny na prodaž na elektronnym aŭkcyjonie ŭładalnikam antykvarnaj kramy ŭ Maskvie. Dadzieny asobnik acenieny ŭ sumu $45 tys. (kala Vr360 młn).
Pry hetym častku hrošaj (10%), pavodle papiaredniaj damoŭlenaści z pradaŭcom, nieabchodna sabrać ciaham dvuch tydniaŭ u jakaści zakładu.Tolki paśla hetaha łot budzie źniaty z aŭkcyjonu, a mahiloŭcam daduć mahčymaść sabrać ciaham troch miesiacaŭ astatniuju sumu.
Pavodle słovaŭ Alaksieja Baciukova,
va ŭsim śviecie naličvajecca kala 60 asobnikaŭ usich troch vydańniaŭ Statuta, ź ich 29 adnosiacca da vydańnia 1594–1595 hadoŭ.Miescaznachodžańnie hetych asobnikaŭ: Vialikabrytanija (1), Litva (6), Polšča (6), Rasija (11), Ukraina (5), a ŭ Biełarusi niama nivodnaha. Jak pryvatnymi asobami, tak i dziaržaŭnymi instytutami krainy ŭžo rabilisia sproby vykupić asobniki Statuta, adnak biespaśpiachova. «Ciapier u biełarusaŭ źjaviłasia realnaja mahčymaść viarnuć na radzimu redkuju knihu, ale ŭsio budzie zaležać ad našaj aktyŭnaści», — ličyć dyrektar muzieja. Što da sapraŭdnaści vydańnia, to jość zaklučeńnie Rasijskaj dziaržaŭnaj biblijateki, padpisanaje viadomym śpiecyjalistam
Statut VKŁ — najvyšejšaje dasiahnieńnie starabiełaruskaj pravavoj dumki, asnova ŭsioj jurydyčnaj sistemy VKŁ.Pa sutnaści, heta była siaredniaviečnaja Kanstytucyja, jakaja dziejničała na ŭsich ziemlach sučasnaj Biełarusi i była adnoj z samych prahresiŭnych u Jeŭropie. Statut paŭpłyvaŭ na stanaŭleńnie nacyjanalnaj pravavoj dumki, a taksama na jurydyčnyja tradycyi susiednich krain — Rasii, Polščy, Estonii, Łatvii i inš. Mahčyma, mienavita dziakujučy jamu biełarusy adroźnivajucca vialikaj pavahaj da prava.
Statut 1588 hoda raspracavany padkancleram VKŁ i starastam mahiloŭskim Lvom Sapieham i byŭ vydadzieny za jaho asabistyja srodki ŭ drukarni, zasnavanaj u Vilni Piatrom Mścisłaŭcam na hrošy mahiloŭskich kupcoŭ Mamoničaŭ.U ciapierašni čas viadoma pra try vydańni Statuta — 1588, 1592–1593 i
* * *
Pieraličyć hrošy na hetuju dobruju spravu možna na rachunak muzieja
UK «Muziej historyi Mahilova» 212030 Mahiloŭ, vuł.Leninskaja, 1A
rachunak:
UNP 790203960
Filija 700 MAU AAT «ASB Biełarusbank» MFO 153801536
r/r 3642014673147
Mahiloŭ, vuł. Pieršamajskaja, 71
Meta płaciaža: Na raźvićcio muziejnaj spravy i achovu historyka-kulturnaj spadčyny (dla kupli Statuta VKŁ)
! Buchhałteryja muzieja prosić dakładna i całkam paznačać metu płaciaža.
Kamientary