Rasiejskamu biznesoŭcu Hurynoviču, całkam spyniŭšy svoj udzieł u hrupie kampanij.
Adzin z samych paśpiachovych biełaruskich biznesoŭcaŭ Uładzimir Piefcijeŭ pradaŭ kampaniju «Biełtechekspart», jakaja zajmajecca ekspartam uzbrajeńniaŭ i vajskovaj techniki, rasijskamu biznesoŭcu Hurynoviču.
«Kampanija ZAT «Biełtechekspart» paćviardžaje infarmacyju ab źmienie ŭładalnika kantrolnaha pakieta akcyj hrupy kampanij ZAT «Kirujučaja kampanija «Biełtech Chołdynh», u jakuju ŭvachodzić ZAT «Biełtechekspart». Uładalnikam kantrolnaha pakieta akcyj hrupy kampanij staŭ rasiejski biznesoviec Hurynovič Dźmitryj Fiodaravič», -- paviedamili ahienctvu «Interfaks-Zachad» u kampanii.
Na pradpryjemstvie taksama paviedamili, što «Piefcijeŭ Uładzimir Paŭłavič całkam spyniŭ svoj udzieł u nazvanaj hrupie kampanij».
Pavodle infarmacyi «Biełtechekspartu», Dz. Hurynovič — vypusknik i aśpirant Rasijskaj akademii narodnaj haspadarki i dziaržaŭnaj słužby pry prezidencie RF (z adznakaj), uklučany ŭ kadravy rezerv prezidenta RF.
«Stvareńnie mahutnaha supracoŭnictva Rasii i Biełarusi ŭ halinie VTS i ekspartu śpiecmajomaści ŭ vyniku hetkaj zamieny maje vielizarnuju pieravahu i daje poŭnuju ŭpeŭnienaść u tym, što ZAT «Biełtechekspart» vyjdzie na pryncypova novyja pazicyi na suśvietnym rynku», — pierakananyja ŭ kampanii.
Nahadajem, što ŭ krasaviku Piefcijeŭ pakinuŭ pasadu kiraŭnika Biełaruskaj tenisnaj fiederacyi -- jaho źmianiŭ Alaksandr Šakucin
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA6
Kamientary