Andrej Kurejčyk zajaviŭ, što nijakaha dačynieńnia da hetaha nie maje.
Film, jaki pazicyjanavaŭsia jak pieršy biełaruski maładziožny sieryjał i
Raniej scenaryst filma Andrej Kurejčyk u intervju charter97.org, zajaviŭ, što «Vyšej za nieba» ŭ jaho pieršapačatkovym, jak zadumvali scenaryst i režysior, vyhladzie nie prajšoŭ cenzuru — jaho admovilisia pakazvać na Biełaruskim telebačańni.
U suviazi z hetym aŭtarskaja hrupa filma zrabiła zajavu: Siońnia my z režysioram sa ździŭleńniem daviedalisia, što ŭ sietcy internet na papularnych sajtach źjaviłasia rabočaja viersija filma «Vyšej nieba».
Aŭtarskaja hrupa da hetaha fakta adnosin nie maje. My škadujem, što ŭ sieciva trapiła nie finalnaja viersija filma, a tolki etap pracy nad im.
Razam z tym Andrej Kurejčyk zajaŭlaje, što čynić pieraškody raspaŭsiudu filma nie budzie.
* * *
U kancy krasavika, jak paviedamlała NN, vakoł filma razhareŭsia skandał pamiž zamoŭcami (Pradstaŭnictva AAN u Biełarusi) i scenarystam Andrejem Kurejčykam.
«Film hatovy, ale ŭvieś videašerah naležyć AAN, my nie majem na jaho nijakich pravoŭ, — kazaŭ karespandentu NN Kurejčyk.— My nie možam pakazać jaho nidzie. Mahčyma, heta źviazana z tym, što film vyjšaŭ niaprosty.
Pravaŭładalniki chacieli «prakacić» film pa dziaržaŭnych kanałach, ale tam jość ludzi, jakich pa BT nie pakazvajuć, — «Lapisy», Vajciuškievič, Chamienka».
Kurejčyka padtrymlivaje režysior filma Dźmitryj Marynin i častka tvorčaj hrupy. Hrupa zhodnaja na kampramis —
chaj pa BT pakažuć «parezanuju» viersiju, adzinaje, kab dazvolili pakazvać stužku na kinafiestyvalach:«U nas tam žorstki film, nijakaj palityki, ale ŭzdymajucca inšyja prablemy: pravy čałavieka, zarobki. Chaj nam dazvolać jaho pakazvać. Heta nie pytańnie hrošaj — film dabračynny, i za prakat my nie atrymajem ničoha. Adnak my abiacali jakasnaje kino, my jaho zrabili».
«Jakija čornyja śpisy? Heta hłupstva absalutnaje. AAN — mižnarodnaja arhanizacyja», —tak kamientavaŭ zajavy Kurejčyka kaardynatar infarmacyjnaj dziejnaści Prahramy raźvićcia AAN u Biełarusi Uładzisłaŭ Chilkievič.
Pavodle jaho słovaŭ, dźviuchhadzinny adnasieryjny film, zrobleny Kurejčykam, u PRAAN nie bačyli. Dyj
havorka nie išła pra zdymki takoha filma. Sieryjał «Vyšej za nieba», pavodle damovy, maje być 8-sieryjny,pa 44 chviliny kožnaja sieryja. I ciapier tvorčaja hrupa mantažuje z adźniataha «syroha» materyjała kino patrebnaha farmatu.
«Andrej Kurejčyk byŭ scenarystam. Jon napisaŭ cudoŭny scenar, my raźličylisia za jaho, —kazaŭ Chilkievič. — Ale ciapierašnija sproby pakazvać svaju viersiju kopiju nahadvajuć piractva.
Umovaj donaraŭ — Hłabalnaha fondu pa baraćbie sa ŚNIDam i malaryjaj, jaki daŭ miljon dalaraŭ na sieryjał, — było toje, što film spačatku pakažuć pa dziaržaŭnych kanałach.Kab niekalki miljonaŭ čałaviek mahli pabačyć heta kino».
Padobna, u asnovie kanfliktu lažać nie palityčnyja pryčyny, a sutyknieńnie intaresaŭ. Ale kančatkova ŭpeŭnicca ŭ hetym možna budzie tolki na svaje vočy, kali sieryjał pakažuć pa telebačańni.Praca ź filmam, abiacajuć u AAN, budzie skončanaja sioleta.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary