Ptuškafabryka kupiła abstalavańnie na €2,2 młn, ale nie ŭstalavała
Žłobinski mižrajonny kamitet dziaržaŭnaha kantrolu padčas pravierki dziejnaści pryvatnaha sielskahaspadarčaha ŭnitarnaha pradpryjemstva «Žłobinskaja ptuškafabryka», zasnavalnikam i ŭłaśnikam majomaści jakoha źjaŭlajecca Žłobinski miasakambinat, vyjaviŭ nieŭstalavanaje impartnaje abstalavańnie na sumu 2,2 młn jeŭra. Pra heta paviedamili ŭ Kamitecie dziaržaŭnaha kantrolu pa Homielskaj vobłaści.
Kantralory vyśvietlili, što kantrakt na pastaŭku abstalavańnia, jakoje pryznačałasia dla cecha zaboju i pierapracoŭki ptuški i mieła pradukcyjnaść 3 tys. hałoŭ u hadzinu, byŭ zaklučany ŭ kastryčniku 2010 hoda. Jano było zakuplenaje za košt valutnaha kredytu i pastupiła na pradpryjemstva jašče vosieńniu 2011 hoda. Na momant pravierki abstalavańnie nie tolki nie ekspłuatavałasia, ale i nie było zmantavanaje.
Jak patłumačyŭ adkazny kiraŭnik, mantaž abstalavańnia nie rabiŭsia z pryčyny adsutnaści ŭ ptuškafabryki adpaviednaha technałahičnym patrabavańniam pamiaškańnia dla jaho ŭstanoŭki. A budaŭnictva novaha cecha nie viadziecca praz adsutnaść uzhadnieńnia pa advodzie ziamielnaha ŭčastka.
Takim čynam, darahoje impartnaje abstalavańnie nabyvałasia pry adsutnaści ŭzhodnienaha miesca dla jaho raźmiaščeńnia.
Pa vynikach pravierki infarmacyja nakiravanaja ŭ vyšejšuju arhanizacyju dla pryniaćcia mier pa dalejšym vykarystańni nabytaha abstalavańnia i pryciahnieńni vinavatych da adkaznaści.
Ciapier čytajuć
Łukašenka zahavaryŭ pra prarasijskaść Cichanoŭskaha, bajučysia nazvać jaho imia37
Kamientary