Daktary iduć na ryzyku i nie bajacca trapić za kraty.
U mai sud Navabielickaha rajona Homiela pryznaŭ
My źviarnulisia da
«Naša Niva»: Časta pacyjenty dziakujuć šakaładam albo kańjakom?
Maryna: Prykładna kožny treci prynosić niešta padobnaje. Za tydzień časam atrymlivajecca dziasiatak takich prezientaŭ. Praca ŭ mianie śpiecyfičnaja — zajmajusia žančynami. Tamu na kvietki spadziavacca nie davodzicca. Byvaje, što i mužčyny zachodziać, kab «adździačyć» za žonku.
«NN»: Ad čaho zaležyć toje, što niasuć?
M: Ludzi sami vyrašajuć. Kirujucca, napeŭna, ciažkaściu ich zachvorvańnia. Mnie jak žančynie čaściej prynosiać šakaład, cukierki, sadavinu, kavu, vino. Kańjak skryniami chiba tolki doktaru Kupitmanu ź sieryjała «Interny» prynosiać. Časam dorać niejkija rečy — nabor parfumy. Ale ŭ asiarodku miedykaŭ nie pryniata abmiarkoŭvać padarunki.
«NN»: A hrošy prapanoŭvajuć?
M: Nie, hrošaj ni razu nie prapanoŭvali. Dy i za što? Usie padarunki — heta ž znak uvahi, a nie raźlik za niejkuju pracu. Mahčyma, ja nie tak šmat pracuju, kab być u kursie ŭsiaho. A vypiskaj «lipavych» daviedak ja nie zajmajusia.
«NN»: Taki znak uvahi Kryminalnym kodeksam traktujecca jak «atrymańnie niezakonnaj uznaharody». Jak Vy heta ŭsprymajecie?
M: Ja nie liču heta čymści drennym. Kali žančynie dorać kvietki — heta narmalna. Čamu ja pavinna admaŭlacca ad šakaładu? Biezumoŭna, ja zaŭždy prapanuju pacyjentu zabrać nazad toje, što jon prynios. Ale nie sprabuju ź imi svarycca: jany nie razumiejuć, što takim čynam mohuć doktara padstavić. Kažuć: «Nichto ž nie daviedajecca». A kali čałaviek mnie dadomu pryniasie butelku vina, heta taksama niezakonna? U pačatku majoj praktyki byŭ vypadak, kali ja admoviłasia brać cukierki. Dyk žančyna mianie dačakałasia, kali ja sychodziła z pracy. Jak praviła, ludzi pakidajuć svoj pakiecik paśla ahladu. Ale tut chutčej «zakid» na nastupny raz.
«NN»: Kali vučylisia ŭ miedycynskim univiersitecie, Vas papiaredžvali niejak pra chabar, pra kryminalnuju adkaznaść?
M: Tak, byli razmovy. Ale tady, jak zrešty i ciapier, heta nie ŭsprymajecca jak niejkaje złačynstva.
«NN»: Nie baiciesia, što mohuć i pasadzić?
M: Nie zadumvajusia pra heta.
***
<>Što kaža zakon
Zhodna z Kryminalnym kodeksam, niezakonnaj uznaharodaj ličycca atrymańnie majomaści albo inšaj vyhady majomasnaha charaktaru rabotnikam dziaržaŭnaha orhana albo inšaj dziaržustanovy za vykananuju pracu, jakaja ŭvachodzić u koła jaho słužbovych abaviazkaŭ, akramia praduhledžanaj zakanadaŭstvam RB apłaty (art. 433). Karajecca ad pazbaŭleńnia prava zajmać peŭnyja pasady i zajmacca peŭnaj dziejnaściu da 3 hadoŭ pazbaŭleńnia svabody.
-
Cudaŭ nie budzie dla tych, chto spadziavaŭsia schudnieć biez dyjety. Papularnaje intervalnaje haładańnie nie dziejničaje biez deficytu kałoryj
-
U Minsku adkryjuć dźvie dziaržaŭnyja vietkliniki z kruhłasutačnym pryjomam
-
Vaša chraničnaja stomlenaść moža być zakładziena ŭ hienach. Navukoŭcy spadziajucca znajści lačeńnie
Kamientary