Pra heta siońnia zajaviŭ pasoł łacinamierykanskaj krainy Amieryka Dyjas Nuńjes.
Budaŭnictva płanujecca ŭ štacie Arahua, na poŭnačy Vieniesueły. Dyjas adznačyŭ, što kasmadrom budujecca dla zapusku nie jadziernych rakiet, a spadarožnikaŭ.
Pakul što spadarožniki dla Vieniesueły vyrablajuć kitajcy, adnak dasiahnuta pahadnieńnie pra toje, što jany buduć źbiracca ŭ Vieniesuele.
Pasoł źviarnuŭ uvahu na toje, što prajekt źjaŭlajecca trochbakovym:
Biełaruś pradastavić technałohii, a Kitaj zabiaśpiečyć finansavańnie.Biełaruś nie pakidaje nadziei ŭstupuć u «kłub kaśmičnych dziaržavaŭ». Na 22 lipienia pryznačany zapusk biełaruskaha spadarožnika «Sajuz».
U 2006 hodzie ŭžo była sproba zapuścić spadarožnik «BiełKA», jakaja z treskam pravalisia, chacia ekśpierty prahnazavali pośpiech.
«Spadarožnik pavodle svaich
«Alaksandr Łukašenka mužna pryniaŭ udar, daviedaŭšysia, što pieršy biełaruski spadarožnik BiełKA stračany», — paviedamili supracoŭniki «Raskosmasu» u interviju «Rośsijskoj hazietie».Taksama sioleta ahučvalisia namiery sumiesny z Kitajem stvaryć spadarožnik suviazi.
Dva hady tamu tady jašče staršynia prezidyumu Akademii navuk Michaił Miaśnikovič kazaŭ, što ŭ biełaruskich kaśmičnych technałohijach zacikaŭlenaja nie tolki Vieniesueała, ale i Iran. «My hatovy supracoŭničać z ZŠA i ES», — skazaŭ budučy premjer.
Što datyčyć paŭdniovaamierykanskaha rehijonu, to kasmadrom majecca blizu horada Kuru ŭ Francuzskaj Hvijanie.Asnoŭnyja puskavyja placoŭki ŭ Kuru naležać Jeŭrapiejskamu kaśmičnamu ahienctvu. Kasmadrom Kuru ličycca adnym z najbolš biaśpiečnych.
Apošni zapusk tut adbyvaŭsia ŭ lutym sioleta. Na arbitu vyjšła italjanskaha čatyrochstupieńčataja rakieta «Vieha».
Vidać, najaŭnaść pobač takoha abjekta nie daje spakoju Uha Čavesu. Varta adznačyć, što mnohija dyktatary zachaplajucca kosmasam. Naprykład, kaśmičnaja prahrama jość u žabrackaj Paŭnočnaj Karei.
Ciapier čytajuć
«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton48
Kamientary