Abnoŭlena, dadalisia novyja fotazdymki.
Fotafakt: Jak Navahrudak rychtujuć da «Dažynak»
Na domie kultury, pomniku kanca XIX st., źnieśli franton, susiedni budynak staić paŭrazburany.
U Navahrudku sioleta musiŭ prajści čarhovy fiestyval siaredniaviečnaj kultury. Pra heta kazałasia na apošnim feście ŭ 2010 hodzie, pryśviečanym 600-hodździu Hrunvaldskaj bitvy.
Adnak, zamiest rycarskaha festu ŭ Navahradku vyrašyli zładzić abłasnyja «Dažynki».U pačatku maja hetaha hoda ŭ internecie źjavilisia fotazdymki, na jakich bačna, jak staražytny horad rychtujuć da padziei. U pryvatnaści, havorka viałasia pra rekanstrukcyju budynka Doma kultury, zbudavanaha pry kancy XIX st. Jon źjaŭlajecca historyka-kulturnym pomnikam. U budynku na toj momant akonnyja prajomy byli častkova zakładzienyja silikatnymi błokami.
Karespandenta «NN» u adździele kultury rajvykankama tady zapeŭnili, što pracy adbyvajucca zhodna prajektna-kaštarysnaj dakumientacyi i hetaja miera — časovaja.
Ciapier źjavilisia novyja fotazdymki, ź jakich vynikaje, što ŭ tyja źmienšanyja prajomy ŭžo pačali stavić vokny.
Bolš za toje, z budynka źnik franton, jaki možna pabačyć na zdymkach pačatku XX st. Susiedni z Domam kultury budynak, były restaran «Haścinny dvor», staić paŭrazburany.Jon taksama adnosicca da zabudovy kanca XIX st. U adnym z damkoŭ druhoj pałovy XIX st. pastavili škłopakiety.
U toj ža čas, na miescy byłoha hatelu «Jeŭropa», jaki jašče šeść hod tamu ŭzialisia adbudoŭvać uradžency Navahrudka, dahetul pustka, aharodžanaja płotam.
Padrychtoŭka da «Dažynak» u Navahrudku — nie pieršy hłabalny kapramont u horadzie. 14 hod tamu z padobnym razmacham jaho rychtavali da 200-hodździa Adama Mickieviča
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij23
Kamientary