U minskaj kramie i-Store ŭ pieršyja dni pracy najlepš pradavaŭsia novy iPad

10 žniŭnia ŭ Minsku adčyniłasia krama Apple sa statusam Premium Reseller. Heta pieršaja ŭ Biełarusi krama takoha ŭzroŭniu siarod dziasiatka inšych. U našaj krainie Apple Premium Reseller maje nazvu i-Store, jana naležyć kampanii «Aŭtamatyzavanyja sistemy biźnies kantrolu». Kiraŭnik adździeła markietynhu «ASBK» Kaciaryna Karvackaja raskazała pra vyniki pieršych dzion pracy.

U dzień adkryćcia kramu i-Store naviedali sotni čałaviek, heta vidać na bolšaści fatahrafij, jakija raźmieščany ŭ Internecie ŭ navinach ab adkryćci, raskazvaje Kaciaryna Karvackaja. Na jaje dumku heta aznačaje, što Minsk hatovy da źjaŭleńnia kramy ŭzroŭniu Apple Premium Reseller. U kramie viadziecca jak ŭlik naviedvalnikaŭ, tak i ŭlik pakupnikoŭ. Ich kolkaść zaležyć ad dnia tydnia, ad vychadu navinak i najaŭnaści novych akcyj.

«Niedachopu pakupnikoŭ my nie adčuvajem, ale pra ličby kazać jašče rana, my tolki pačali pracavać. Ale mahu skazać, što svoj plon prynosić i raźmiaščeńnie kramy — ja ni razu nie bačyła, kab u kramie byli tolki našy pradaŭcy-kansultanty — naviedvalniki jość zaŭsiody!» — kaža kiraŭnik adździeła markietynhu.

Bolš za ŭsio ŭ pieršyja dni pracy kramy nabyvali aksesuary. Taksama dobrym popytam karystajucca novy iPad i iPod. Inšaja pradukcyja taksama nie adstaje, ale pakolki aficyjnyja prodažy iPad ŭ Biełarusi pačalisia 10 žniŭnia i byli prymierkavany da adkryćcia kramy i-Store — novy iPad pa-za kankurencyjaj.

Pradukcyju, pradstaŭlenuju ŭ kramie i-Store kuplajuć ludzi roznych uzrostavych katehoryj. Sprava chutčej nie va ŭzroście, a ŭ ładzie žyćcia, padkreślivaje Kaciaryna Karvackaja

Asnoŭnuju metavuju aŭdytoryju Apple možna padzialić na dźvie hrupy: «pijaniery» (maładyja, cikaŭnyja pakupniki, jakija cikaviacca ŭsim novym i ekzatyčnym) i «pieršyja prymajučyja» (ludzi, jakija znachodziacca ŭ pošukach novych praduktaŭ, jakija palehčać ich biznes i asabistaje žyćcio).

U Minsku pradukcyja Apple pradajecca pa jeŭrapiejskich cenach. Jany rekamiendavanyja aficyjnym pradstaŭnikam kampanii ŭ Biełarusi hałaŭnym ofisam. Kaciaryna Karvackaja zapeŭnivaje, što ceny na tavary ŭ ich kramie nie pałochajuć pakupnikoŭ. Jana dadaje, što sprava daloka nie ŭ canie, a ŭ tym, što ludzi, jakija prychodziać u naš mahazin atrymlivajuć prafiesijnyja kansultacyi pa vybary pradukcyi, jakaja patrebna mienavita hetamu pakupniku. Taksama pradaŭcy-kansultanty demanstrujuć usie mahčymaści pradukcyi, kab u budučyni klijent moh vykarystoŭvać pradukcyju Apple, viedajučy ab usich jaje mahčymaściach, a nie tolki tych, jakija jon znajšoŭ samastojna.

Asartymient

U i-Store pradstaŭleny faktyčna ŭvieś aktualny asartymient pradukcyi kampanii: kampjutary iMac, Mac mini, Mac Pro, noŭtbuki Macbook Air i Mac Book Air, płanšety iPad, płejery iPod shuffle i iPod nano, a taksama šmatlikija aksiesuary, akustyčnyja sistemy dy inš. A voś pradukcyja iPhone tut nie pradajecca, bo naš rynak pakul nie aŭtaryzavany dla hetaha brendu.

Kolki kaštuje

Macbook Air, pradstaŭlenyja ŭ I-Store, kaštujuć ad 11 199 000 da 17 499 000 rub. MacBook Pro — ad 13 399 000 da 31 499 000 rub.

Płanšety iPad kaštujuć ad 4 599 000 da 9 799 000 rub.

Płejery iPod shuffle pa 650 000 rubloŭ, a iPod nano ad 1 629 000 da 1 909 000 rub.

Apple Premium Reseller

Na aficyjnym sajcie Apple tłumačycca, što kramy sa statusam Premium Reseller prapanujuć poŭny asartymient kampjutaraŭ Mac i płejeraŭ iPod, a taksama ŭvieś nabor aksiesuaraŭ i pasłuh.

• 0
• 0
• 0
• 0
• 0
• 0
• 0
• 0