«Heta tolki žadańnie Rasii».
Sakratar kiroŭnaj partyi Kazachstana «Nur Atan» Jerłan Karyn zajaviŭ, što ideju stvareńnia Jeŭrazijskaha parłamienta realizavać niemahčyma. Pra heta piša ŭ sieradu ŭ artykule pad zahałoŭkam «I nie marcie!» kazachstanskaja hazieta «Vriemia».
«Farmavańnie Jeŭrazijskaha parłamienta — heta tolki žadańnie rasijskaha boku. Tamu, niahledziačy na pieryjadyčnaje ŭkidvańnie paviedamleńniaŭ pra niejkija damoŭlenaści z nahody stvareńnia Jeŭrazijskaha parłamienta, kazać pra toje, što hetyja damoŭlenaści dasiahnutyja, było b niapraŭdaj. Nasamreč hetyja i padobnyja idei nie adlustroŭvajuć bačańnia stratehičnych haryzontaŭ supracoŭnictva inšymi ŭdzielnikami intehracyjnaha pracesu, u pryvatnaści našaj krainaj», — skazaŭ Karyn u intervju hetamu vydańniu.
Jon adznačyŭ, što i
deja stvareńnia Jeŭrazijskaha parłamienta nierealnaja «ni ŭ najbližejšaj, ni ŭ siarednieterminovaj, ni navat u dalokaj» pierśpiektyvie.
«Skažu navat bolš — stvareńnie nadnacyjanalnaj palityčnaj struktury nami nie moža abmiarkoŭvacca ŭ pryncypie, bo heta naŭprost zakranaje suvierenitet našaj krainy. A pryncyp suvierenitetu vyrazna zamacavany ŭ Kanstytucyi, i, bolš za toje, zhodna z zakonam našaj krainy takoha kštałtu pytańni navat nie mohuć vynosicca na ahulnanacyjanalny refierendum!» — padsumavaŭ Karyn.
-
U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
-
Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca
-
Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
Kamientary