45-гадовы мужчына па ўласнай дурасці загінуў вечарам 18 снежня пад коламі «Аўдзі А6».
Як паведамілі ў ДАІ УУС Гродзенскага аблвыканкама, муж і жонка (жыхары Смаргоні) прыехалі да свайго знаёмага ў вёску Гарыдзяняты. Пасля застолля вярталіся дадому ў райцэнтр, хацелі паспець на маршрутку.
Як пазней расказала жонка загінулага, у іх з мужам быў вясёлы настрой.У нейкі момант паміж мужам і жонкай узнікла спрэчка, і мужчына лёг на праезную частку, сказаўшы «не верыш, я буду ляжаць на дарозе, і са мной нічога не здарыцца».
У выніку ў цемры, не пазначаны святлоадбівальнымі элементамі, мужчына быў непрыкметны, і кіроўца «Аўдзі А6» яго не ўбачыў. Аўтамабіль пераехаў пешахода, які загінуў імгненна на вачах сваёй жонкі.
Цяпер чытаюць
Беспілотнік, які ўпаў у Мінску, прыляцеў з боку Барысава — шматлікія сведчанні5
Каментары